@linjil wa n Yakhya

@s@nti

Awal wa imosan @nnur @d t@m@ddurt

1 @stizarat as d-ikhlak M@shina @dd@net da Awal ill-ay. Awal illa ghur M@shina, amaran Awal wa imos M@shina. ² Awal @stizarat illa ghur M@shina. ^3-4 M@shina ikhlak-du s@r-@s arat kul; w@r t-illa arat dagh @dd@net wa s@r- @s du-w@r-n@khlek f@las Awal @nta a ihakkin t@m@ddurt ta t@mosat @nnur y aytedan. ⁵ @nnur imilawlaw dagh shiyyay eges indar-asnat ad t-anghinat. ⁶ Osa-dd' al@s iyyan igan es@m Yakhya, a d-izimazal M@shina; ⁷ imos t@g@yya f@l ad ammagrad s @nnur wa, @zz@gz@nan aytedan kul s aratan win igannu. ⁸ @nta iman-net w@r imos @nnur, @t@w@s@gla ghas a d-iga imos t@g@yya f@l ad ammagrad s @nnur wa. ⁹ Awal wa @nta a imosan @nnur wa n tid@t, wa d-ikkan @dd@net isim@lul@w aytedan kul. ¹⁰ @nta a ihan @dd@net, ikhlak-kat-du M@shina s@r-@s, eges @dd@net w@r tu-t@qbel. ¹¹ Osa-dd' akal-net eges w@r t-@qbelan aytedan-net. ¹² Mishan win t-@qbalnen kul, @zz@gzanan s@r-@s, win di ikf-en almaqam @n tishit @n bararan @n M@shina. ¹³ W@r @qqelan bararan @n M@shina s @mm@k was garrawan aytedan bararan, kala kalar @mosan-tan @s t@nna @n M@shina. ¹⁴ Wa imosan Awal, iqqal awedan ikhsar ghur-na, ikna t@la n @lkhurma, imos m@shis @n tid@t. N@sinagra @t@w@s@ghmar-net, saghmar wa igarraw Barar a n iyyanda ghur Abba-net. ¹⁵ Igg@yyat as Yakhya, ishewal s afalla ad igannu: "Wa dagh as @he batu-net, assagha wa dawan-ganna: "A dd-asu d@ff@r-i mishan ogar-i, f@las dat-i da ill-ay"". ¹⁶ Awalla ketnana n@graw albaraka w@r n@la @ddukad s @lkhurma-net ikmalan. ¹⁷ F@las M@shina ikf-anagh @lqanun dagh @fus @n Musa, @lkhurma @d tid@t osa-ddu d@r-san ghaysa @lm@sikh. ¹⁸ W@r t-illa awedan inayan M@shina, mishan Barar a n iyyanda imosan M@shina, illa ghur Abba, @nta a danaq-q-issosanan.

@sh@gh@l wa iga ghaysa dat aytedan kul

T@g@yya @n Yakhya wa isalmaghan dagh aman

19 @nta da t@g@yya ta iga Yakhya y arat dagh limaman @d K@l-Lebi win d-@falnen Yerusalam assagha wa tan-du-zammazalan muzaran @n K@l-@ly@hud y ad t-@ss@st@nan d awa imos. ²⁰ W@r ugay s a dasan-ajjawwab. Kala kalar idkal @m@sli-net s afalla inn-asan: "Nak w@r @mosagh @lm@sikh." ²¹ @nnan-as: "Ma t@mosa za? Ilyas a t@mosa?" "kala kala" inn-asan, "w@r t-@mosa." "@nn@bi wa itt@malan a t@mosa?" "kala kala" inn-asan, "w@r t-@mosa." ²² T@zzar @nnan-as: "Dagh adi ma t@mosa? Ihor a din-nasu aytedan win dana-d-@ss@glanen neway-asan aljawab n awa t@mosa. Dagh adi @m@l-anagh iman-nak." ²³ Inn-asan arat wa inna @nn@bi Isayas ir@w: "Nak, @m@sli a mosa n al@s a d-isagharen dagh @suf igannu: "Z@zz@lul@ghat tarrayt y @m@li."" ²⁴ Aytedan win @hanen @tt@riqat @n Farisaytan @ntanay a du-zammazalnen @s Yakhya. ²⁵ @ss@stanan-tu nammazalan win @nnan-as: "Ma f@l t@salmaghagh aytedan dagh aman, kay t@nne w@r t@mosagh @lm@sikh, w@r t@mosagh @nn@bi wa itt@malan?" ²⁶ Inn-asan: "Nak @salmaghagh aytedan dagh aman, mishan illa gar-ewan awedan w@r t@zdayam. ²⁷ @nta du-z-asin d@ff@r-i, amaran awa di-iga dagh shigrat, arra @n t@m@rkest @n ghateman-net, da w@r t-eweda." ²⁸ Aratan win kul taggan dagh amadal @n Betani f@l tagadamayt ta hadat t@s@ss@ng@yt @n Yordan dad isalmagh Yakhya aytedan.

29 As iga @z@l wa hadan ogga Yakhya ghaysa izay-t-idu, t@zzar inna: "@nta den ajaghol @n M@shina wa itakkasan ibakkadan dagh @dd@net. ³⁰ @nta as @he batu-net as dawan-ganna: "Al@s iyyan ad d-asu d@ff@r-i, mishan ogar-i f@las dat-i da ill-ay. ³¹ Nak iman-in w@r t-@zdaya mishan @gle-du ad salmaghagh aytedan dagh aman, f@l ad d-in@fil@l i K@l-@ly@hud." ³² Igg@yyat Yakhya tolas inna: "@swada dagh Infas wa Z@ddigan imos zun t@dabert as d-izz@bbat dagh j@nnawan iwar-tu. ³³ Eges w@r @ssena harwa awa imos, mishan @ssanagh as imal-i M@shina, s @nta di-d-iss@glan y ad @salmaghagh aytedan dagh aman, as: "Ad t@n@yagh Infas wa Z@ddigan as du-z-azzabbat ighs@r f@l al@s iyyan, al@s w@di @nta a z-isalmaghan aytedan dagh Infas wa Z@ddigan." ³⁴ @m@r@dda arat wa @nayaq-qu @s shittawen-in; amaran @gg@yye silakanagh as al@s wa @nta Barar @n M@shina."

Inalkiman win azzarnen

35 As iga @z@l wa hadan, iha Yakhya edag wa harwa da, @nta @d nalkiman-net @shin. ³⁶ Ogga ghaysa as dagma-nasan d-illam, inna: "@nta den, ajaghol @n M@shina." ³⁷ @slan nalkiman win @shin a i batu ta iga da, t@zzar @lkaman i ghaysa. ³⁸ Iswad-in ghaysa d@ff@r-@s ogg-en @lkaman-as, inn-asan: "Mas t@saggadam?" @nnan-as "M@nid t@ghsara @shikh?" ³⁹ Inn-asan "Agliwat-du a tu-t@n@yam". Itagg'awen tak@st zagret, @glan @ddewan d@r-@s, @nayan dad illa, t@zzar @ss@ndan ghur-@s @z@l. ⁴⁰ Meddan win @shin @lkamnen i ghaysa d@ff@r tasalay ta gan y awal @n Yakhya, iyyan dagh-san es@m-net Andraw@s, amadray @n Simghon Butros. ⁴¹ Imm@nay Andraw@s d @m@qqar-net Simghon @stizarat, t@zzar inn-as: "Nakkanay n@mminay d @lm@sikh." (almaghna Kristos) ⁴² Amaran ilway-tu @s ghaysa. Iswad ghaysa dagh Simghon ghas inn-as: "Kay Simghon, rur-es @n Yakhya, ad tagagh es@m Kefas" (es@m wa ola @d wa n Butros, almaghna-net t@hunt.) ⁴³ As affaw ira ghaysa iki n amadal @n Galilaya. Imm@nay @d Filibbus inn-as: "@lk@m-i." ⁴⁴ (Filibbus d Andraw@s @d Butros aghr@m-nasan iyyanda, es@m-net Betsayda.) ⁴⁵ Imm@nay Filibbus @d Natan@yel inn-as: "Nakkanay n@mminay @d was imm@grad @nn@bi Musa dagh @ttawret, @mmigradan s@r-@s da k@tban n @nn@bitan, a t-imosan ghaysa wa n ag Yus@f wa n @ghr@m @n Nazaret." ⁴⁶ T@zzar inn-as Natan@yel: "Immikkan aghr@m wa n Nazaret a t-id-@gm@d arat ihossayan?" Inn-as Filibbus: "Ayaw t@n@ya." ⁴⁷ Ogga ghaysa Natan@yel izay-t-idu, inna: "@nta den awedan n Israyil wa n tid@t, wa w@r n@t@gg@z ar tarrayt t@zilalaghat." ⁴⁸ Inn-as Natan@yel: "Mas di-t@zdaya?" Ijj@wwab-as ghaysa inn-as: "Harwa-kay-du w@r ighra Filibbus, assagha wad t@lle daw ash@k wa n t@hena, da @hannayaq-qay." ⁴⁹ Inn-as Natan@yel: "@shikh, kay a imosan Barar @n M@shina, t@mosagh @m@nokal n Israyil." ⁵⁰ Inn-as ghaysa: "T@zz@gzana f@l as dak-@nnegh @hannayaq-qay daw ash@k @n t@hena; ad t@n@yagh aratan wiyyad zawwarnen ogarnen wa." ⁵¹ T@zzar inn-as: "@gg@yyegh @silakanagh-awan as d@ff@r awa ad t@n@yam ij@nnawan @nnolaman tagazzayan-tan angalosan, tazabben-du f@l Barar n Awedan."

Takr@st ta t@gat dagh @ghr@m @n Kana

2 @z@l wa n karad t@mal-tu t@kr@st dagh @ghr@m @n Kana dagh amadal @n Galilaya, t@h-et anna @n ghaysa, ² t@zzar itawaghrad-du ghaysa @nta da, iddew-du @d nalkiman-net @s t@kr@st. ³ As ab-as d-iqqim wala dagh esmad, t@nna anna @n ghaysa y as: "Esmad ighrad." ⁴ Inn-as ghaysa: "Anna, t@di a kam-w@r-t@dg@z. Alwaq-in w@r d-ewed." ⁵ T@nna mas i mashaghalan: "Agat awa as dawan-inna kul." ⁶ @skaran @ddi s@dis t@kan taggazan aman as taggin K@l-@ly@hud @z@zd@g wa imosan alghadat-nasan. @kkulu n iyyan itaggaz-t' @ddukad @n tameday @n lit@r. ⁷ Inn-asan ghaysa: "@dn@yat it@kan di aman." @ntanay degh @dnayan-tan har fayyan. ⁸ Inn-asan amaran: "@lk@wat dagh-san @m@r@dda y @maway @n saksas." @gan awa dasan-inna. ⁹ As iram @maway @n saksas aman win @mm@ttaynen da, @qqalan esmad, as w@r issen iguz wa d-iga, mishan imashaghalan win tan-d-@lkawnen @ssânan, ighra @m@rmush, ¹⁰ inn-as: "Im@ss@ksas kul esmad wa izodan a garrawan, amaran d@ff@r as filawasan @gr@wan wa isammakkanan. Eges kay t@ghbara wa izodan har @m@r@dda!" ¹¹ @nta @ddi t@lm@ghjujat t@mosat alghalamat ta tazzarat immozal ghaysa. Ig-et dagh @ghr@m @n Kana ta n Galilaya. Isannafalal s@r-@s tarna-net, t@zzar @zz@gzanan s@r-@s nalkiman-net. ¹² D@ff@r awen iras aghr@m @n Kafarnahum, @nta @d maœ, @d m@drayan-net, @d nalkiman-net. W@r dagh-as @gen ar arat n adan.

Assa @n ghaysa Ehan @n M@shina

13 As d-ihoz @mud wa n Akkay imosan amud maqqaran @n K@l-@ly@hud, igg@zzay ghaysa @s Yerusalam. ¹⁴ Ogaz-in ghaysa dagh afarag wa ighlayan Ehan @n M@shina, imassatagan @n z@gran, d ayf@d, @d t@d@bren, @d t@ghimiten @n k@l sanji. ¹⁵ ig' @l@kkud @s ghunan istaq-qan dagh afarag w@di ketnasan, @ntanay d ayf@d, @d z@gran, infaz dagh amadal iz@rfan @n k@l sanji, isabbambay t@ss@wen-nasan. ¹⁶ Imassatagan @n t@d@bren @ntanay inn-asan: "@kk@sat awa dagh adag a, ad w@r tagim ehan n Abba-nin asammanay n @ssuk." ¹⁷ @ktan-du nalkiman akatab @n Daw@d wa innan: "Tara-nin ehan-nak t@rgha dagh-i shila @n tamsay." ¹⁸ @ss@stanan-tu muzaran @n K@l-@ly@hud @nnan-as: "M@ni t@lm@ghjujat t@mosat alghalamat tas t@fraga danaq-qat taga t@sitaddat as t@legh almaqam n ad tagagh @mazal di?" ¹⁹ Ijj@wwab-asan ghaysa inn-asan: "Dagdagat Ehan @n M@shina di, a tid @ss@bd@da dagh karad adan." ²⁰ @nnan-as: "Ehan @n M@shina di @kkozat t@m@rwen n awatay @d s@dis a f@l itawakras. Kay mas tu-za-t@ss@bd@da dagh karad adan?" ²¹ As inna Ehan @n M@shina da, @nta tagh@ssa-net as igannu. ²² As d-inkar dagh t@mattant @ktan-du nalkiman-net t@nna ta iga adi. @zz@gzanan @s K@tban, d awal wa iga ghaysa. ²³ Aytedan aggotnen @zzigzanan @s ghaysa ghur anay @n t@lm@ghjujaten shin as immozal dagh adan win iga dagh Yerusalam ghur @mud wa n Akkay. ²⁴ Mishan ya ghaysa w@r tan-ifles f@las izday-tan ketnasan, @nta ²⁵ w@r idd@rar s i das-igan isalan n awedan id w@r das-ighber awa ihan @w@l-net.

 

ghaysa @d Nikodemos

3 Ill-ay al@s iyyan igan es@m Nikodemos, ihan @tt@riqat @n Farisaytan, imos iyyan dagh muzaran @n K@l-@ly@hud. ² Osa-ddu ghaysa ahad iyyan inn-as: "@shikh-in, nakkanay n@ssan as M@shina kay d-izammazalan s@r-na, a dana-t@sassaghra, id w@r t-illa i z-agin t@lm@ghjujaten shin t@ge, ar @s t@dh@lt-net." ³ ghaysa degh inn-as: "@gg@yyegh @silakanagh-ak as: W@r t-ill' awedan ifragan anay @n taghmar @n M@shina ar s ad ilas t@hut. ⁴ Iss@stan-tu Nikodemos inn-as: "Mas du-z-il@s awedan washaran t@hut? ¿i t@gat da w@r ifreg ad il@s tewaghlay @n t@dist @n mas." ⁵ Inn-as ghaysa: "@gg@yyegh @silakanagh-ak as: awedan w@r ifreg iguz @n taghmar @n M@shina ar s ad ihu s aman d Infas wa Z@ddigan. ⁶ @l@s@l n aggad@m iyyan aggad@m, amaran wa d-igmadan Infas wa Z@ddigan, Infas wa Z@ddigan a dagh-as innodan. ⁷ Dagh adi a dak-w@r-iqq@n eghaf as dak-@nnegh: Iwar-kawan ad t@l@sam t@hut. ⁸ Adu iggâr sas ira, kay t@salla y @m@sli-net, mishan w@r t@ssena sas d-iha wala sas idag. Samal di da a iha wa ihuwan s Infas wa Z@ddigan." ⁹ Iss@stan-tu Nikodemos inn-as: "M@ni tat t@m@wit tas z-agin aratan win? ¹⁰ Ijj@wwab-as ghaysa inn-as: "T@mosagh @musan z@ww@ran dagh Israyil eges w@r t@ssenagh aratan win! ¹¹ @gg@yyegh @silakanagh-ak as: "N@tamagrad s awa n@ssan, n@tagayyat da f@l awa n@nay, eges tugayam s-ad t@qb@lam t@g@yya-nana. ¹² Dad w@r t@zz@gzanam s awa dawan-ganna s @dd@net mas za t@zz@gz@nam awa dawan ganna s alakhirat? ¹³ W@r t-illa is kala inay ij@nnawan, ar Agg Awedan wa tan-d-igmadan. ¹⁴ @mm@k was isaddakal Musa ashol @n darogh @s t@g@ttawt dagh taneray, @mm@k di dagh as z it@w@s@duk@l Agg Awedan, ¹⁵ f@l ad iqq@l as i s@r-@s izz@gzanan, ad igr@w t@m@ddurt ta t@ghlalat. ¹⁶ Awalla, M@shina ikna tara n @dd@net har as ikfa-du Barar-net a n iyyanda f@l ad iqq@l as i s@r-@s izz@gzanan w@r z' ihl@k, kalar ad igr@w t@m@ddurt ta t@ghlalat. ¹⁷ M@shina w@r d-issoka Barar-net @dd@net f@l a tat-ihl@k kalar issokas-tat-du f@l a s@r-@s tafsu. ¹⁸ I s@r-@s izz@gzanan w@r ihlek, mishan wa s@r-@s w@r n@zz@gzan ihlak f@las w@r izz@gzan s es@m @n Barar @n M@shina a n iyyanda. ¹⁹ @nta @ddi da iguz wa d-iga @hluk: @nnur osad-du @dd@net, mishan aytedan @ssofan shiyyay y @nnur id taggin arak mazalan. ²⁰ Amaran i itaggan aghshud oglaf @nnur, w@r t-id-z-akku f@las iksud ad n@fil@lan arak mazalan-net ezal a mallan. ²¹ Mishan wa itaggan arat wa imosan tid@t, itakka-du @nnur, f@l ad it@w@n@y, as @mazal-net issind-ay dagh l@kkum i M@shina.

ghaysa @d Yakhya wa isalmaghan dagh aman

22 D@ff@r awen ikka ghaysa @d nalkiman-net amadal @n Yahud@ya. Iqqim dagh-as har iga arat n azzaman @nta d@r-san, amaran isalmagh ghaysa aytedan dagh aman. ²³ Yakhya @nta da isalmagh dagh aman, dagh Aynon, dagma @n Salim, f@las @llan-t' aman aggotnen den. Amaran tasin-t-id' aytedan isalmaq-qan. ²⁴ Arat wa as itaggu Yakhya harwa da w@r iggez kasaw. ²⁵ T@nkar t@mazaq g@r nalkiman @n Yakhya d iyyan dagh K@l-@ly@hud, dagh batu @n t@m@witen shin as itag zazdag. ²⁶ @kkan Yakhya @nnan-as: "@shik-nana, t@kitt@wa al@s wa d@r t@ddewa f@l afay @n Yordan wen sen, al@s w@di as dana t@mm@grada @ddi? Tahannaya! Isalmagh aytedan dagh aman @m@r@dda amaran kul takkin-tu!" ²⁷ Ijj@wwab-asan ghaysa: "Awedan w@r z-igr@w ar awa t-ikfa M@shina. ²⁸ Kawanay iman-nawan t@gg@yyem-i as @nnegh: "W@r @mosagh @lm@sikh, mishan tiwazamazala-du dat-@s." ²⁹ @m@rmush @nta @ddi ilan t@m@rmusht, mishan @midi n @m@rmusht, mishan @midi n @m@rmush inkad dagma-net, issisam-as, ikna t@d@wit as isla y @m@sli-net. T@d@wit di za shin-in, amaran @m@r@dda t@nda. ³⁰ @nta a ihoran ad it@w@s@ghm@r nak @m@la daw-@s. ³¹ Wa d-igmadan afalla, @nta a ihhoken f@l awedan kul, wa ihan @dd@net i n @dd@net. Wa d-igmadan ij@nnawan, ihhokat f@l awedan kul, ³² Igg@yyat s awa inay d awa as isla mishan waliyyan iqbalan t@g@yya-net. ³³ Wa iqbalan t@g@yya-net, isilakan awa inna M@shina. ³⁵ Abba ira Barar-net ig-as aratan kul dagh @fus. ³⁶ Wa izz@gzanan @s Barar @n M@shina igraw t@m@ddurt t@ghlâlat, wa ugayan s a s@r-@s izz@gz@n amaran alham @n M@shina iha d@r-@s is@lsa."

ghaysa @d t@ntut @n K@l Samar@ya

4 ^1-3 @slan Farisaytan as itawannu ghaysa igarraw inalkiman ogarnen win n Yakhya isalmaq-qan dagh aman. (Arat wa imosan tid@t as ghaysa iman-net w@r is@lmigh awedan waliyyan dagh aman, inalkiman-net a salmaghnen dagh aman.) As isla ghaysa y awa itaqqalan, igmad amadal wa n Yahud@ya, iqqal Galilaya. ⁴ Dad t-ilzam imur n amadal @n Samar@ya, ⁵ os-in dagma @n ¿ikhar, imosan aghr@m @n Samar@ya ihozan tawagost ta ikfa Yaqub i rures Yus@f. ⁶ Edag wen @nta a iha @gharus @n Yaqub. As d-osa ghaysa edag wen ammasnazal, iddaz @shik@l, iqqim f@l anu. ^7-8 As @kkan nalkiman-net aghr@m y a dd-azzanzin teýýay, t@war-du t@ntut @n K@l Samar@ya du-t@zragat anu en. Inn-as ghaysa: "¿ashw-i-d'." ⁹ T@nn-as: "Kay t@mosagh iyyan dagh K@l-@ly@hud t@gammaya dagh-i aman, nak t@mosat iyyat dagh K@l Samar@ya?" ¹⁰ Inn-as ghaysa: "@nnar t@ssanagh arat wa ihakku M@shina, amaran t@ssanagh awa @mosa nak wa kam itansayan aman @n tassay, tansiyagh-i-tan kam, akfagh-am-tan degh @mosan win sidurnen. ¹¹ T@nn-as t@ntut: "@shikh-in, anu i zagren amaran kay w@r t@legh aga, dagh adi m@ni du-za-t@gr@wagh aman win di sidurnen di? ¹² ¿igrat a t@gegh @maraw-nana Yaqub a danagh-ikfan anu a, ishwa aman-net, @shwan-tan maddan@s d aharay-net?" ¹³ Ijj@wwab-as ghaysa: "I ishwan aman di, ad t-il@s fad iguz, ¹⁴ mishan i ishwan aman win tu-z-akfa, immizzay @d fad, f@las a dagh-as @qq@lan adri ingayan s aman win tu-hakkinen t@m@ddurt ta t@ghlalat." ¹⁵ T@nn-as t@ntut: "Akf-i dagh aman win di, f@l a di-igm@d fad, a du w@r @l@sagh azarog n anu a da." ¹⁶ "Aglu" Inn-as ghaysa "Aghrad-du al@s-nam t@qq@lagh-i-du da da." ¹⁷ T@nn-as: "W@r @legh al@s." Inn-as ghaysa: "Tid@t-nam as t@nne w@r t@legh al@s, ¹⁸ f@las s@mmos as kala tan-t@le, amaran wa ghur t@llegh @m@r@dda w@rgegh al@s-nam. Tid@t a di-t@ge." ¹⁹ T@zzar t@nn-as: "@hannayagh as kay @nn@bi a t@mosa. ²⁰ Imarwan-nana adghagh a da a f@l @ghbadan M@shina, mishan kawanay K@l-@ly@hud t@nnam edag wa dagh itawaghbad M@shina w@di iha Yerusalam." ²¹ "Tantut" inn-as ghaysa, "Z@gz@n-i, alwaq izay-du a dagh w@r za t@ghabbadam Abba g@r za f@l @dghagh wa, wala dagh Yerusalam. ²² Kawanay K@l Samar@ya wa t@ghbadam w@r tu-t@zdayam, nakkanay K@l-@ly@hud wa n@ghbad n@zday-tu f@las efsan iguz wa n K@l-@ly@hud a d-@gan. ²³ Mishan alwaq izay-du --amaran osa-ddu-- was inaghbidan win tid@t ad @ghb@dan Abba s Infas wa Z@ddigan @d tid@t, f@las Abba inaghbidan win t-@ghbadnen @s t@m@wit ta, @ntanay a ira. ²⁴ M@shina Infas wa Z@ddigan a imos, amaran inaghbidan-net ihor ad t-@ghb@dan s Infas wa Z@ddigan @d tid@t." ²⁵ T@nn-as t@ntut: "@ssanagh as @lm@sikh, itawann-as Kristos, a d-asu. As d-osa a danagh-isassagru aratan kul." ²⁶ Inn-as ghaysa: "Nak a t-imosan, nak wa dam-ishewalan da." ²⁷ Assaghat ten @nta a d-@qqalan nalkiman, iqqan-asan eghaf im@shawal wa iga @d t@ntut. Mishan w@r tan-iha i ihalan ad t-iss@st@n, ann-as: "Ma dagh as tare?" madegh "Mafel t@tim@shiwila d@r-@s?" ²⁸ T@zzar toya-ddu t@ntut t@t@kint-net t@qqal aghr@m t@nna y aytedan: ²⁹ "Ayewat ad t@n@yam awedan a di-imâlan arat kul was kala ad t-@ge, ifrâg as @nta a imosan @lm@sikh!" ³⁰ T@zzar @gmadan-du aghr@m @kkan ghaysa. ³¹ As itagg' awen inalkiman gammayan dagh ghaysa ad atshu, gannan-as: "@shikh, atsh' arat iyyan." ³² Inn-asan: "Imensewan win z atsha w@r tan-t@zdayam." ³³ Ad t@n@m@nnin nalkiman gar-essan: "@ng@m ghas w@rgegh awedan a das-d-ewayan imensewan?" ²⁴ Inn-asan ghaysa: "Imensewan-in w@r tan-imos ar ad ammazala tara @n wa di-d-izammazalan, @ghr@dagh @sh@gh@l wa dagh-i iga. ³⁵ Kawanay w@r t@g@nnim: "@qqimnat-in @kkozat t@lil y ad tagu gharat?" Mishan nak @nnegh-awan @sw@dat w@llen dagh t@w@gas ad t@n@yam shighaghanen @õõanat, w@r @renat ar @mil@y. ³⁶ Awedan wa italayan, w@di igraw @rruzmatan-net, ishadaw shighaghanen shin t@m@ddurt ta t@ghlalat. A di da a f@las wa inabbalan @d wa italayan, ketnasan @dd@wen. ³⁷ F@las tid@t @n t@maj@q ta t@gannat: "Al@s iyyan inabbal, iyyan italay." ³⁸ @ss@glaq-qawan f@l ad tal@yam tawagost dagh w@r t@shghelam, aytedan wiyyad a dagh-as @shghalnen, mishan t@grawam t@nfa dagh @sh@gh@l wa @gan da." ³⁹ Aytedan aggotnen @n K@l Samar@ya @zz@gzanan @s ghaysa f@las tantut a dasan-t@nnat: "Imal-i aratan win as kala tan-@ge." ⁴⁰ A di da a f@las as t-id-osan @gmayan dagh-as a ghur-san aqqam, t@zzar iqqim ghur-san ghaysa har iga @shin adan. ⁴¹ Wiyyad aggotnen @zz@gzanan s@r-@s f@l as @slan y awal-net @nta iman-net. ⁴² T@zzar @nnan i t@ntut: "Nakkanay s@ket n@kna @z@gzan f@las @stizarat kam ghas a danagh-igan isalan, @m@r@dda iman-nana as das-n@sla, amaran n@ssân as tid@t as @nta a imosan @n@ssefsi n @dd@net.

T@m@zz@yt @n barar n amashaghal n @m@nokal @n Kafarnahum

43 D@ff@r @shin adan win di, ikka ghaysa amadal @n Galilaya, ⁴⁴ f@las @nta iman-net as inna, @nn@bi w@r it@w@s@ghmir dagh akal-net. ⁴⁵ As din-osa Galilaya @qbalan-tu K@l Galilaya id @nâyan imazalan kul win iga dagh Yerusalam ghur @mud wa n Akkay f@las @ntanay da osân-t-in. ⁴⁶ Ilas-du assa @n Kana ta n Galilaya, ta dagh isammattay aman ig-en esmad. Aghr@m @n Kafarnahum ih-ay al@s imosan amashaghal n @m@nokal. Al@s wen ila rures irinan. ⁴⁷ As isla as ghaysa igmâd-du amadal @n Yahud@ya iha Galilaya, os-ay-du onsay-tu ad idawan, das-izzuz@y rures ghur t@lla t@mattant. ⁴⁸ Inn-as ghaysa: "As w@rgegh ad t@nayam t@lm@ghjujaten, d alghalamaten @mmittaynen, w@r za t@zz@gz@nam fadda." ⁴⁹ Inn-as amashaghal n @m@nokal: "M@sh-i, @r@s-anagh @s Kafarnahum harwa ad w@r aba barar-in." ⁵⁰ Inn-as ghaysa: "Aglu, rurek izzay." Al@s degh izz@gzan s awal @n ghaysa, igla. ⁵¹ Iha tarrayt iqqâl as imm@nay @d mashaghalan-net das-d-@lkamnen. @nnan-as: "Bara-nak izzay." ⁵² Iss@stan-tan inn-asan: "Ma imos alwaq wa dagh igraw iman-net?" @nnan-as: "@ndaz@l iggi @n tazzar a fall-as t@wat tanaday." ⁵³ Al@s degh ikta-ddu as alwaq wen da iman-net ghur das-inna ghaysa: "Rurek izzay." Izz@gzan s@r-@s @nta d aghaywan-net kul. ⁵⁴ @nta da da t@lm@ghjujat ta t@mosat alghalamat ta n sanatat as immozal ghaysa dagh Galilaya d@ff@r agamad-net Yahud@ya.

 

T@m@zz@yt n anabdon

5 D@ff@r adi ewad-d' @mud iyyan @n K@l @ly@hud, t@zzar igg@zzay ghaysa @s Yerusalam. ² Aghr@m wa n Yerusalam t@h-ay t@ghazart t@hozat edag was itawannu t@s@h@rt ta n Ayf@d. T@ghazart ta es@m-net Betesda, dagh t@lghabranit, amaran t@lla g@r s@mmosat taliwen. ³ Taliwen shin @sradan daw-@snat miranan @mosnen im@dd@rghal, @d m@ggudal, @d n@bdan. @ssigadan y ad @gg@zan aman shin @m@t@kw@y, ⁴ f@las @llan-tu mazayan dagh d-itazabbat angalos iyyan n @m@li ad ijin@j@rw@y aman @n t@ghazart ten. @miran kul wa azzaran iguz-net d@ff@r @n@j@rway wa t@ga da, w@di ad izz@y dagh t@w@rna ta tu-t@grawat, a t@qqal.

5 @nta edag wen ih-ay al@s igan karadat t@m@rwen n awatay d @ttam irin. ⁶ Ogg-ay ghaysa israd, @nta issan as iga t@w@rna t@r@wat, t@zzar iss@stan-tu inn-as: "Awak t@re t@m@zz@yt?" ⁷ Inn-as @miran wa: "@shikh, nak w@r @legh awedan a di-igan dagh t@ghazart ta dagh amazay wa dagh tin@j@rw@yan aman-net, amaran id @gmaya d iguz-net, a di-izar s@r-@s awedan iyyan." ⁸ Inn-as ghaysa: "@bd@d, t@dk@la t@salat-nak t@j@w@nke" ⁹ Amazay wen da dagh izzay al@s en den, t@zzar idkal t@salat-net ijawankat.

@nta arat wa itaggu dagh @z@l @n t@sanfawt @n K@l-@ly@hud. ¹⁰ @nnan muzaran @n K@l-@ly@hud y al@s wa izzayan da: "Awa @z@l @n t@sanfawt-nana, w@r dagh-as t@le turagat n aggay @n t@salat-nak." ¹¹ Eges ya inn-asan al@s wen: "Al@s wa di-izzozayan, @nta di-innan: "@dk@l t@salat-nak t@j@w@nke"." ¹² @nnan-as: "Ma imos za al@s wa dak-innan: "@dk@l t@salat-nak t@j@w@nke"?" ¹³ Mishan ya, al@s wa izzayan da, w@r t'@hen salan n awa imos awedan wa, f@las aytedan @knanen ig@t a @hanen edag wa daq-q-izzozay den, iras-tan ghaysa, ijawankat.

14 D@ff@r awen ogaz-t-in ghaysa dagh Ahan @n M@shina inn-as: "S@s@m. Kay da izzayan da @m@r@dda. @ghr@d d igi @n bakkadan, a kay w@r igr@w arat ogaran wa tallab@st." ¹⁵ Ijawankat al@s wen t@zzar imal i muzaran @n K@l-@ly@hud as ghaysa a t-izzozayan. ¹⁶ Arat wa eway-du s@r-san as @knan gezzar @n ghaysa f@las @z@l @n t@sanfawt dagh ig' awen. ¹⁷ Mishan inn-asan ghaysa: "Abba-nin faw da ishghâl, dagh adi nak da @shghâla." ¹⁸ Batu ta, teway-du @s muzaran @n K@l-@ly@hud as @shotan dagh agamay @n tanaghay @n ghaysa, f@las w@rgegh @lqanun n @z@l @n t@sanfawt ghas a imm@zray, kalar ishota-du fall-as as inn' imos M@shina abba-net. Dagh adi ishashagda iman-net @d M@shina.

Tanaya @n ghaysa

19 Inn-asan ghaysa: "@gg@yyegh @silakanagh-awan as Barar w@r ifreg igi n arat waliyyan gar-es @d man-net. W@r it@ggu ar arat was ihannay Abba-net itagg-ay. Amaran arat kul wa itaggu Abba, Barar da itagg-ay s asaway wen da. ²⁰ F@las Abba ira Barar, amaran isakn-ay arat kul wa itaggu; ad t-assaknu aratan ogarnen win da t@la n almaghna y a tan-agu, f@l ad taj@bam. ²¹ @mm@k wa dagh-as d-isankar Abba in@mm@ttan itaggu dagh-san iman, @mm@k wa da as ihakku Barar @nta da t@m@ddurt i was tat-ira. ²² @nta Abba w@r ikh@kk@m y awedan waliyyan, inkar s @sh@righa kul ig-ay dagh @fus @n Barar ²³ f@l ad @zz@zw@ran aytedan kul Barar s @mm@k was @zz@zwaran Abba. Awedan kul wa w@r n@zz@zwar Barar, w@di w@r izz@zwar Abba wa t-id-izammazalan.

24 "@gg@yyegh @silakanagh-awan as awedan kul wa iss@saman i batuten-in, izz@gzan @s wa di-d-izammazalan, w@di igraw t@m@ddurt ta t@ghlalat. W@r z' awwaddab, kalar t@mattant a d-igmad @s t@m@ddurt. ²⁵ @gg@yyegh @silakanagh-awan as izay-du alwaq -- s @nta da da n@ha da @m@r@dda -- alwaq w@di, aytedan win s@r-i w@r n@zz@gzan ad aslin y @m@sli @n Barar @n M@shina, amaran win das-@slanen @kk@wanan-as ad @gr@wan t@m@ddurt ta t@ghlalat. ²⁶ F@las @mm@k wa dagh as ihakku Abba t@m@ddurt, @mm@k w@di dagh as ikfa Barar f@rregat n a tat-ihakku @nta da. ²⁷ Amaran ikfa Barar turagat n @sh@righa, f@las imos Agg awedan. ²⁸ Ad w@r @qq@nan ghafawan-nawan y arat wa: ilkam a d-aw@d alwaq as in@mm@ttan kul win @hanen iz@kwan, ad aslin y @m@sli n Agg awedan ²⁹ @ddi da du-z-@gm@dan iz@kwan-nasan. Win dagh-san @ganen aratan olaghnen, a d-@gm@dan iz@kwan y a d' @nk@ran dagh t@mattant @gr@wan t@m@ddurt, win @ganen t@kma amaran a d-@gm@dan iz@kwan y ad awwaddaban. ³⁰ W@r t-illa arat as @fragagh igi-net g@r-i @d man-in. @sh@righa wa tagga, @lkama dagh-as y awa di-igannu M@shina, amaran @sh@righa-nin oghâd, f@las w@r @lkema y arat wa @re nak iman-in, kalar arat wa ira wa di-d-izammazalan @nta as @lkama.

¿ig@yyawen @n ghaysa

31 "As imos as nak ghas-in as @gg@yyegh i man-in, w@di t@g@yya-nin w@r t@mos tid@t. ³² Illat-tu wa di imosan t@g@yya iyyat, amaran @ssanagh as arat wa igannu dagh talgha-nin, imos tid@t. ³³ T@ss@glam inammazalan @s Yakhya, t@zzar igg@yyat-asan f@l arat wa imosan tid@t. ³⁴ Nak w@r @dd@raragh @s t@g@yya n awedan. Arat wa w@r tu-g@nnagh ar f@l ad t@gr@wam t@sureft. ³⁵ Yakhya imos zun f@t@la t@rghat t@bilazlaz, amaran t@qbalam ad tagim arat n assaghat @n t@d@wit dagh @nnur-net. ³⁶ Mishan nak @le t@g@yya togarat ta n Yakhya assahat: @sh@gh@lan win tagga, tan-imosan win as di-iss@war Abba amaknaw-nasan, @ntanay a @mosnen t@g@yya-nin, sitaddan as Abba di-d-izammazalan. ³⁷ Abba iman-net wa di-d-izammazalan, @nta da iggiyyat-i. W@r kala ad t@slam y @m@sli-net wala t@nayam azzat-net. ³⁸ Amaran awal-net w@r iha iwallan-nawan, arat w@di isitadd-ay iba n@z@gzan-nawan @s wa d-izammazal. ³⁹ T@taggam i k@tban tegharay t@gat s @nn@z@r f@las t@ghilam s@r-san t@gr@wam t@m@ddurt ta t@ghlalat. Ik@tban win t@gharrim da, @ntanay iman-nasan as fall-i @gg@yyen. ⁴⁰ Eges w@r t@rem a di-du-takkim y ad t@gr@wam t@m@ddurt.

41 Nak w@r g@mm@yagh @t@w@z@zwar ghur aytedan. ⁴² @zdayaq-qawan: @ssanagh as iman-nawan w@r tan-t@ha tara i M@shina. ⁴³ Nak Abba-nin a di-d-iss@glan mishan w@r t@rem @lq@bulat-in. Amaran as kawan d-osa awedan iyyan a d-iglan gar-es @d man-net, a tu-t@qb@lam! ⁴⁴ T@ram ad t@tin@m@s@ghmiram gar-ewwan, eges w@r t@rem saghmar wa d-ifalan M@shina di n iyyan. Dagh adi man@mm@k as za t@zz@gz@nam? ⁴⁵ Ad w@r t@ghilam a kawan-@ss@w@ra lahan ghur Abba-nin. @nn@bi Musa @nta kawan z-iss@w@ran lahan, @nta wa dagh t@gam attama-nawan. ⁴⁶ @nnar t@zzigzanam @s Musa, t@zz@gz@nam s@r-i nak da, f@las immigrad fall-i dagh k@tban-net. ⁴⁷ Mishan dad imos as w@r t@zz@gzanam @s k@tban-net, man@mm@k as za t@zz@gz@nam awa ganna?"

 

@sh@tshi wa iga ghaysa i s@mmos gim n al@s

6 D@ff@r adi ikka ghaysa t@gadamayt ta hadat n agaraw wa n Galilaya, (itawann-as harwa da agaraw wa n T@ber@yad). ² T@lkam-as tiddawat tagget, f@las aytedan @hannayan alghalamaten shin as immozal @mosnen @mm@k was izzozay imiranan. ³ Igg@zzay ghaysa adghagh, t@zzar iqqim den da @nta @d nalkiman-net. ⁴ As itagg' awen da amud wa n Akkay ihoz-du.

5 Iswad ghaysa ogga aytedan @knanen ig@t @zayan-t-idu, inna i Filibbus: "M@ni du-za-nazzanzu tag@lla @tshan aytedan en kul?" ⁶ @s@stan wa as t-iga ghaysa da issân arat was otas igi-net. A ira ghas ad iss@n awa das z-annu Filibbus. ⁷ Inna Filibbus i ghaysa: "kud du-n@zz@nza tag@lla n @zr@f @n sanatat t@mad n @z@l n @sh@gh@l da w@r dasan-za-taw@d wala arat @n tattay." ⁸ Inn-as @nalkim-net iyyan wa igan Andraw@s wa n amadray @n Simghon Butros: ⁹ "Illa arat @n barar da ilân s@mmosat t@g@lwen n @sh@ghir d @shin kifitan, mishan ya ma za aknin y aytedan ogdânen d awa?"

10 Inna ghaysa: "Saghghamiwat aytedan kul." T@zzar @qqiman aytedan kul @han-tan amadal @n s@mmos gim n al@s. Edag wen idnay yel. ¹¹ Obaz-du ghaysa shig@lwen shin den. As ighrad igi @n godan i M@shina t@zzar izun-tanat y aytedan kul win @qqimnen den. Ikf-en @nta da awa @ran dagh kifitan. ¹² As @yy@wanan aytedan inna ghaysa i nalkiman-net: "¿id@wat-du awa d-@glazan, f@l a dagh-as w@r ikhsh@d wala." ¹³ @ghradan-tan-du @k@mmi t@zzar @dnayan maraw @zmaman d @shin dagh karammutan @n s@mmosat t@g@lwen shinad n @sh@ghir a da d@ff@r as dagh-asnat @yy@wanan aytedan.

14 As @nayan aytedan win alghalamat tas immozal ghaysa da, t@zzar ad gannin: "Igmad ashak as al@s wa @nta a imosan @nn@bi wa du-z-asin @dd@net!" ¹⁵ Issan ghaysa as aytedan win ad t-ab@zan sh@hh@sh@lan-tu tishit n @m@nokal, t@zzar ilas-tan efel, ikk' edag iyyan dagh @dghagh en da, ghas-net.

@j@w@nki wa iga ghaysa f@l aman

16 As t@ga tak@st zagadayan nalkiman-net s agaraw, ¹⁷ @ggazan taghlalt t@zzar @ss@walan agaraw y ad @ghr@san @s Kafarnahum. Ehad igâ, amaran ghaysa w@r tan-in-ewed harwa da. ¹⁸ Igar-du adu issohen t@zzar ad tanastaban aman n agaraw. ¹⁹ As @gan nalkiman @n ghaysa edag @n s@mmos kilawtan madegh s@dis n @shik@l, oggan ghaysa dagh ih@z ijiwankat-du f@l aman izay-du taghlalt ta han, t@zzar t@ggaz-tan tasa. ²⁰ Mishan inn-asan: "A kawan w@r t@gg@z tasa, awa nakku!" ²¹ Gammayan d a t-id-@zzug@zan taghlalt den da, wal' a ihogan tewad d@r-san edag wa @kkan.

Amensay wa ihakkin t@m@ddurt w@r t-imos ar ghaysa.

22 As @z@l wa hadan t@gr-in tiddawat ta t@warat efay n agaraw wa wen sen as taghlalt iyyadda ghas a t@llat den @ndaz@l, amaran @ssanan as ghaysa w@r inamaggaz taghlalt ta @d nalkiman-net. @ssanan @nta da as inalkiman-net ghas-nasan as @glan. ²³ @nzaynat-du shiyyad a d-@falnen aghr@m wa n Tiber@yad. Osanat-du dagma n adag wa dagh t@tsha tiddawat tag@lla d@ff@r godan win iga ghaysa y @m@li. ²⁴ As din-t@gra tiddawat as ghaysa w@r illa den @nta wala inalkiman-net, t@ggaz shighlalen shin den y ad t@s@ss@gg@l ghaysa @s t@ghr@mt ta n Kafarnahum.

25 @grawan-tu f@l afay n agaraw wa hadan t@zzar @nnan-as: "@mmay du-tose da, ya @shikh?" ²⁶ Ig-asan ghaysa aljawab wa: "@gg@yye silakanagh-awan as w@r di-t@s@gg@dam ar f@l as t@tsham tag@lla har dagh-as t@yy@wanam, w@rgegh ashaddat n @g@rri n almaghna n alghalamaten shin as @mmozala a f@l di-t@lkamam. ²⁷ Ayyat @sh@gh@l dagh agamay @n mensewan win ghashadnen, gammayat imensewan win tahaginen, hakkin t@m@ddurt ta t@ghlalat. Imensewan win Ag Awedan dawan-tan-z-akfin f@las @nta a iss@war M@shina di n Abba ejwal wa n taghmar-net.

28 @ss@stanan-tu @nnan-as: "M@ni za arat was ihor a tu-nagu f@l ad naknu @sh@gh@lan win ira M@shina?" ²⁹ Ijj@wwab-asan ghaysa inn-asan: "@sh@gh@l wa dagh-wan ira M@shina, w@r t-imos ar ad t@zz@gz@nam @s wa d-iss@gla." ³⁰ @lasan-tu @s@stan @nnan-as: "Ma t@mos za alghalamat tas dana-za-tammazala f@l a s@r-@k n@zz@gz@n? M@ni awa za taga?" ³¹ Imarawan-nanagh @tshan dagh taneray amensay wa n Manna. Arat da wa iktaban dagh batu t@di:

"Ish@tsh-en amensay wa d-ifalan ij@nnawan."

32 T@zzar ijj@wwab-asan ghaysa inn-asan: "@gg@yyegh silakanagh-awan as w@rge Musa kawan-ikfan amensay wa d-ifalan ij@nnawan. Abba-nin @nta kawan ihakkin amensay wa d-ifalan ij@nnawan, imos amensay wa n tid@t. ³³ "F@las amensay wa d-igmadan ij@nnawan, @nta a d-ifalan M@shina, amaran @nta a ihakkin t@m@ddurt y @dd@net." ³⁴ @nnan-as: "@m@li, hakk-ana amensay w@di faw."

35 Inn-asan ghaysa: "Nak a imosan amensay wa ihakkin tam@ddurt ta t@ghlalat. Wa di-d-ikkan w@r da-as ilkem ad t-iggaz g@l@k, amaran wa s@r-i izz@gzanan w@r dagh-as ilkem ad t-iggaz fad. ³⁶ Mishan @malagh-awan arat wa: t@nayam-i eges w@r t@zz@gzanam.

37 Awedan kul wa di-ikfa Abba a di-d-asu, w@r ilkem ad @staghagh i di-d-ikkan; ³⁸ f@las @z@bbi a d-@gegh dagh ij@nnawan f@l ad ammazala s arat wa ira wa di-d-iss@glan, w@rgegh arat wa @re nak iman-in. ³⁹ @nta wa di-d-izammazalan w@r ira ad ikhr@k waliyyan dagh win di-ikfa, kalar a ira a tan-d-@ss@nk@ra dagh t@mattant @z@l a ilkaman. ⁴⁰ Awalla, @nta da tara n Abba-nin: Aytedan kul win di-@naynen nak wa n Barar, @zz@gzanan s@r-i, @ntanay a z-@gr@wnen t@m@ddurt ta t@ghlalat, @ss@nk@raq-qan-du dagh t@mattant, @z@l a ilkaman.

41 T@zzar ad tig@t@ntinan K@l-@ly@hud @han batu-net f@l as inna: "Nak a imosan amensay wa d-izz@bben dagh j@nnawan." ⁴² Gannin: "Awak awen w@rge ghaysa wa n ag Yus@f, n@kna t@m@zd@yt n abba-net d anna-net, m@ni @mm@k was du-z-ink@r @m@r@dda ad igannu ij@nnawan dagh d-izz@bbat?" ⁴³ Ijj@wwab-asan ghaysa inn-asan: "Ayyiwat @g@t@nt@n gar-ewan. ⁴⁴ W@r t-illa i di-du-z-akkin ar s a t-id-ilway s@r-i Abba wa di-d-iss@glan. Nak amaran @s@nk@r a t-idu-z-aga dagh t@mattant dagh @z@l a ilkaman. ⁴⁵ Ik@tban n @nn@bitan ih-en as: "Ketnasan a tan-isassaghru M@shina". Awedan kul wa islan awa d-ifalan Abba, t@zzar irda s awa isassaghra w@di a di-d-akku. ⁴⁶ W@r t-illa is kala ad inay M@shina di n Abba ar wa t-id-ifalan. W@di inay Abba.

47 "@gg@yyegh @silakanagh-awan as i izz@gzanan ad igr@w t@m@ddurt ta t@ghlalat. ⁴⁸ Nak a imosan amensay wa ihakkin t@m@ddurt. ⁴⁹ Imarawan-nawan @tshan Manna dagh taneray mishan w@r dasan-igdel awen t@mattant. ⁵⁰ As ig' awen amensay was ganna nak, ij@nnawan a dagh d-izz@bbat y as i t-itshan w@r tu-z-iba. ⁵¹ Nak a imosan amensay wa d-izzebben dagh j@nnawan ihakku tam@ddurt. Awedan kul wa itshan amensay wa, w@di ad idd@r har faw. Amaran isan-in a mosnen imensewan win z' akfa f@l ad t@gr@w @dd@net t@m@ddurt."

52 Ad tamastanan K@l-@ly@hud gar-essan gannan: "Man@mm@k as dana-z-akfu awedan wa isan-net natsh-en?" ⁵³ T@zzar inn-asan ghaysa: "Awalla, @gg@yyegh @silakanagh-awan âs as w@r t@tshem isan @n Barar n Awedan, tashwin @nta da azni-net, w@r dawan-tu-t@lla t@m@ddurt. ⁵⁴ Awedan wa itshan isan-in ishwa @nta da azni-nin, w@di igrâw t@m@ddurt ta t@ghlalat, amaran a t-id-@ss@nk@ra dagh t@mattant ghur @z@l a ilkaman. ⁵⁵ F@las isan-in @mosan amensay wa n tid@t, azni-nin da imos aman @n tassay win tid@t. ⁵⁶ Awedan wa itshan isan-in, ishwa azni-nin, w@di irtay d@r-i, nak degh @hegh @w@l-net. ⁵⁷ @mm@k was Abba wa di-d-iss@glan @nta a ihakkin t@m@ddurt, amaran @nta a di-issodaran, @mm@k di dagh as wa itshan isan-in a s@r-i idd@r. ⁵⁸ Amensay wa ij@nnawan dagh d-izz@bbat. W@r ola @d wa @tshan marawan-nawan f@las w@r dasan-igdel adi tamattant. Awedan wa itshan amensay wa, w@di ad igr@w t@m@ddurt t@ghlâlat." ⁵⁹ Arat da da wa inna ghaysa assagha wa ad isassaghra dagh ahan n @lghibada @n K@l-@ly@hud dagh @ghr@m wa n Kafarnahum.

Efel wa @gan aytedan w@yyad d@ff@r ghaysa, @lkaman-as wiyyad

60 As @slan nalkiman-net aggotnen y @s@ss@ghri wa itaggu da @nnan: "Batu ta shi labasat, izz@wat @z@gzan-net. Ma ifragan @lq@bulat-net?" ⁶¹ ghaysa issan dagh man-net as inalkiman-net gitantanan gar-essan dagh talgha ten, t@zzar inn-asan: "@ng@m @z@gzan-nawan a t@das batu ta?" ⁶² Ma za tagim za as toggam Barar n Awedan itagazzay s adag wa iha @stizarat? ⁶³ Infas wa Z@ddigan a isiduran. Awedan iman-net, w@r imos wala. Awalan win dawan-@gegh, hakkan Infas wa Z@ddigan @d t@m@ddurt. ⁶⁴ Mishan @han-kawan wiyyad w@r n@zz@gzan." ghaysa harwa ghur tizarat da issan win w@r n@zz@gzan, issan @nta da wa tu-z-agin dagh fassan. ⁶⁵ Inn-asan tolas: "Adi da a f@l dawan-@nne: "W@r t-illa i ifragan a di-d-akku ar s ad t-ikfa Abba f@rregat n adi."

66 Den da d@ff@r-@s ifal a @ggen dagh nalkiman-net, @ghradan @d tidawt-net. ⁶⁷ T@zzar inna ghaysa i nalkiman win maraw d @shin: "Meqqal kawanay da t@ram teklay?" ⁶⁸ Ijj@wwab-as Simghon Butros inn-as: "@m@li, ma imos wa za nakku? Kay a itaggan awalan win @hakkanen t@m@ddurt ta t@ghlalat. ⁶⁹ Nakkanay n@zzigzan s@r-@k, n@ssan as kay @mizdag a d-ifalan M@shina." ⁷⁰ Inn-asan ghaysa: "Ak w@rgegh @s@nn@fr@n a kawan-@ge ketnawan, f@l maraw-ewwan d @shin? As iga awen da iyyan dagh-wan imos ashayatin." ⁷¹ Batu ta Yahuza wa n ag Simghon Iskhar@yuti a f@l tat-iga ghaysa. F@las Yahuza tu z-agin dagh fassan da imos iyyan dagh nalkiman a n maraw d @shin.

 

@lm@sikh iha tarrayt @s Yerusalam

7 D@ff@r adi iss@wal ghaysa d akal @n Galilaya, f@las w@r ira @s@w@l @n wa n Yahud@ya, imos as imuzaran @n K@l-@ly@hud a gammaynen @d tanaghay-net. ² As ig' awen ihoz-du @mud @n K@l-@ly@hud was itawannu wa n t@karbanen. ³ @nnan-as m@drayan-net: "@f@l da takka akal wa n Yahud@ya f@l ad @n@yan nalkiman-nak @sh@gh@lan win t@tagga. ⁴ Awedan as ira fall-as tagu masnat w@r ish@qq@l dagh @ssir. Dad zama as t@taggagh aratan ogdanen d awa, w@di agu t@m@wit ta f@l tan-z-in@y awedan kul." ⁵ @nta im@drayan @n ghaysa iman-nasan da w@r s@r-@s @zz@gzanan. ⁶ Inn-asan ghaysa: "Assaghat ta-nin harwada w@r du-tewed. Kawanay amaran w@r t@zlayam assaghaten. ⁷ W@r t-illa @dd@lil f@l kawan-za-t@gz@r @dd@net. Nak amaran @dd@net t@gzar-i f@las @mosa t@g@yya y arak mazalan win dagh-as tagginen. ⁸ Akkiwat amud wen kawanay. Nak w@r t-@kke f@las assaghat-in harwada w@r du-tewed." ⁹ As dasan-ighrad t@nna n aratan win, t@zzar iqqim-du dagh Galilaya.

10 D@r iga awen da ya as @kkan m@drayan-net amud, ikk-ay @nta da, eges iki wa zun as iga dagh @ssir, f@las w@r iss@kna iman-net y aytedan. ¹¹ Itaggu @mud den da sasaggalan-tu muzaran @n K@l-@ly@hud gannan: "Ma iga al@s a?" ¹² As iga awen t@nkâr t@mazaq g@r aytedan dagh talgha @n ghaysa. Wiyyad za gannan: "Al@s di olâgh." Wiyyad amaran gannan: "Kalar @s@khr@k fadda a itaggu tamattay." ¹³ Mishan w@r t-illa awedan ihalan amagrad dat aytedan dagh talgha-net, f@l t@ks@da @n muzaran @n K@l-@ly@hud.

Assa @n ghaysa Ehan @n M@shina

14 As isaggaraygaray @mud igg@zzay ghaysa s Ahan @n M@shina ad isasaghru aytedan. ¹⁵ Arat wa iqqan ighafawan @n K@l-@ly@hud w@llen har @qqiman gannin: "M@ni esaway was issan awedan wa aratan win, @nta w@r ighra?" ¹⁶ Inn-asan ghaysa: "@s@ss@ghri-nin w@rge nak a d-ifal, kalar wa di-d-izammazalan a d-ifal. ¹⁷ Awedan kul wa iran ad ammazal tara @n M@shina, w@di ad iss@n kud @s@ss@ghri wa @nta a d-ifal wala degh nak t-id-iktan g@r-i @d man-in. ¹⁸ Awedan wa ishewalan s es@m-net @nta ghas, w@di iman-net as igammay @t@w@s@ghmar. Mishan awedan wa ishghalan dagh @s@nn@fil@l @n tarna @n wa t-id-iss@glan, w@di tid@t a immal, w@r dagh-as t-illa a imosan lahan. ¹⁹ Musa w@rgegh ikf-iwan @lqanun? Eges @lqanun wa w@r kawan-iha i das-ilkaman. Mafel as t@ram a di-tanghim?" ²⁰ T@nn-as tamattay: "Kay agg@suf a kay-izdaghan. Ma imos wa iran tenaghay-nak?"

21 Inn-asan ghaysa: "Nak t@lm@ghjujat iyyadda ghas a @mmozala, mishan @qqanan-as ghafawan-nawan. ²² Musa omar-kawan s @s@mm@nk@d @n bararan-nawan, (as ig' awen da imarawan-nana a t-id-@ss@ntanen, w@rge Musa), amaran w@r fall-awan imos lahan ad t@s@mm@nk@dam barar dagh @z@l wa n t@sanfawt-nawan. ²³ @n@yat za, dad imos as itawasamankad barar dagh @z@l @n t@sanfawt f@l l@kkum y @lqanun wa n Musa, mafel as kawan-iha alham-in f@läs @gegh y awedan @zuz@y ikmâlan dagh @z@l @n t@sanfawt? ²⁴ Ayyiwat akhakam n aratan s awa t@hannayam dagh azzahir. Kalar khakkamat-tan @s t@m@wit t@zilalaghat."

25 As t-oggan arat dagh aytedan win Yerusalam ad gannin: "Al@s wen w@rgegh @nta as @ran muzaran-nana tenaghay-net? ²⁶ Amaran @nta da @m@r@dda ishewalan da dat awedan kul, w@r t-illa i das-igannin wala! Ak immikkan imuzaran-nanagh a sallakannen as @nta a imosan @lm@sikh? ²⁷ Mishan ya al@s wa n@ssan akal wa d-ifal, as ig' awen @lm@sikh assagha wa du-z-asu, w@r t-illa awedan a z-iss@nan da du-z-if@l." ²⁸ ghaysa harwa da isasaghru dagh Ahan @n M@shina, idkal @m@sli-net w@llen inna: "T@zdayam-i t@ssanam sas d-@he! As ig' awen da w@r d-ose g@r-i @d man-in: mishan wa di-d-iss@glan tid@t a imos amaran w@r tu-t@zdayam. ²⁹ Nak @zdayaq-qu, f@las @nta s@r-wan d-@fala, amaran @nta di-d-izammazalan."

30 T@zzar @gmayan d abbaz-net mishan w@r tan-iha i t-idasan, f@las alwaq-net a du-w@r-newed harwada. ³¹ As ig'awen da ya izzigzan s@r-@s a aggen dagh tiddawat ten, gannin: "Tordam as kud d-osa @lm@sikh ifrag igi n alghalamaten ogarnen shin iga al@s wa?"

32 Arat wa sim@t@ktikan aytedan dagh tiddawat ta, @slan-tu Farisaytan. @nkaran limaman win zawwarnen, @d Farisaytan @ss@glan-du imagazan n Ahan @n M@shina y ad ab@zan ghaysa. ³³ Inn-asan ghaysa: "Nak harwa da @ddewa d@r-wan har arat @n tamert, d@ff@r adi ad akka wa di-d-izammazalan. ³⁴ A di-t@sasaggalam mishan w@r di-za-t@gr@wam f@las edag wa z'akka w@r t@fregam iki-net." ³⁵ Ad tin@m@s@stinan K@l-@ly@hud, gannin: "Ma imos adag wa z'akku daq-qu w@r za n@gr@w? Meqqal K@l-@ly@hud win wazawaznen dagh kallan win tama a z-akku igg@z-tan amaran ad isasaghru aytedan win w@r n@mos K@l-@ly@hud? ³⁶ Ma imos almaghna @n batu ta iga da, as inna: "A di-t@sasaggalam mishan w@r di-za-t@gr@wam, f@las w@r t@fregam iki n adag wa @he"?"

Aman win sidurnen

37 As d-ewad @z@l wa ilkaman, s @nta a imosan @z@l wa z@wwaran dagh @mud, ibdad ghaysa dat tiddawat iqq@rra s @m@sli idkâlan inna: "Awedan kul wa iffudan akkiwet-i-du ad ash@w. ³⁸ Awedan kul wa s@r-i izz@gzanan "ad @ng@yan g@rwan n aman win sidurnen dagh @w@l-net", s @mm@k wa imal Akatab." ³⁹ Infas wa Z@ddigan f@l imm@grad ghaysa den, s @nta a z'@gr@wan aytedan win s@r-@s @zz@gzannen. Azzaman en Infas wa Z@ddigan w@r itawagraw f@las ghaysa harwada w@r igrew adkul.

@m@zz@y g@r aytedan

40 Edes n aytedan @n tiddawat ten, as @slan i batuten shin iga ghaysa da @nnan: "Illikan as al@s wa @nta a imosan @nn@bi wa itt@malan!" ⁴¹ @nnan w@yyad: "@lm@sikh awa!" @nnan-asan w@yyad: "Man@mm@k as du-z-igm@d @lm@sikh Galilaya? ⁴² Akatab w@rgegh a inna:

"@zzurr@yya @n Daw@d, @d t@ghr@mt @n Betlekhem s @nta as kala dagh-as ighsar Daw@d, a du-z-igm@d @lm@sikh"."

43 @mm@k wen dagh as t@zun tiddawat dagh talgha @n ghaysa. ⁴⁴ Wiyyad dagh-san @ran abbaz-net, mishan w@r tan-iha is t-idas @fus-net.

45 T@zzar @glan magazan n Ahan @n M@shina @qqalan ilimaman win zawwarnen, @d Farisaytan. Osan-in ghas @nnan-asan: "Mafel w@r t-idu-tewayam?" ⁴⁶ @nnan-asan magazan: "W@r kala itawanay awedan igan awal olan @d wa iga al@s en." ⁴⁷ @nnan-asan Farisaytan: "Dagh adi kawanay da toyyam iman-nawan t@tawasakhrakam? ⁴⁸ @ss@nat ill-ay i s@r-@s izzigzanan dagh-na? ⁴⁹ W@r s@r-@s izz@gzan ar tiddawat n aljahilan w@r n@ssen wala dagh Attawrit, as ketnasan t@war-tan tulghant." ⁵⁰ Iss@stan-tan Nikodemos imosan iyyan dagh Farisaytan s @nta din-osan ghaysa dat awen, inn-asan: ⁵¹ "@sh@righa-nana w@r t-iha ad it@w@khk@m awedan iket w@r ishewal, it@w@ss@n awa dagh ishokal." ⁵² @nnan-as: "Galilaya kay t@lat kay da? Aghru Ikataban ad t@n@ya kay iman-nak as w@r t-illa @nn@bi du-z-igm@dan Galilaya."

53 D@ff@r awen iff@zzat @m@n@y, ikk'awedan kul ehan-net.

 

Tantut ta t@gat @zz@na

8 Ikka ghaysa Adghagh wa n Azzaytunan. ² As affaw aghóra iqqal Ehan @n M@shina t@zzar t@hoz-t-in tiddawat ketnet. Iqqim a tan-isasaghru. ³ Ishewal den da as d-osan musanan n @ttawrit @d Farisaytan ewayan tantut a d-@ghdaran t@taggu @zz@na. @ss@bdadan-tat dat awedan kul, ⁴ @nnan i ghaysa: "Ya @shikh-nana, tantut a @zz@na a t@ga, amaran t@tiwaghayyan t@tagg-ay. ⁵ Dagh @ttawrit za a inna Musa: "tantut @n zun ta, ilzam a tat-@ggaran aytedan @s t@hun har tat-iba". Amaran kay ma t@nne?"

6 Arat wa imos t@m@rkest das-@gan f@l ad t-@ss@w@ran lahan. Edag an a dasan-ajjawwab ghaysa, inaz ad ikattab s adad-net f@l aøadal. ⁷ @qqiman @dgazan dagh @s@stan-net, as ihog ibdad-du inn-asan: "Ink@ret-du dagh-wan was kala w@r iga abakkad, izaret @s t@m@girt-net." ⁸ Ilas enez ad ikattab s adad-net f@l aøadal. ⁹ As @slan i batu ta, t@zzar mazazaran @glan, azzaran-asan win washarnen. Iqqim-du ghaysa ghas-net @nta @d t@ntut ta nad, t@bdâd dat-@s harwa da.

10 T@zzar ibdad-du inn-as: "Tantut, ma @gan za? W@r tan-iha i kam-iwwiddaban?" ¹¹ T@nn-as: "Waliyyan dagh-san, @m@li-nin". Inn-as ghaysa: "Nak da za w@r kam-z-awaddaba. Aglu t@j@w@nke, mishan ad w@r t@l@sagh igi @n bakkadan."

ghaysa wa imosan @nnur n @dd@net

12 Ilas ghaysa awal i tiddawat inna: "Nak a imosan @nnur n @dd@net. Dagh adi wa di-ilkaman ad igr@w @nnur wa isiduran amaran w@r das-ilkem ad ijiwankat dagh shiyyay. ¹³ @nnan-as Farisaytan: "T@g@yya @n man-nak a t@mosa, arat wa t@gannagh @ddi irkam w@llen." ¹⁴ Inn-asan ghaysa: "Kud imos as t@g@yya @n man-in a mosa da t@g@yya-nin t@mos tid@t f@las @ssana sas d-@hegh, @d sas @daga. Mishan kawanay w@r t@ssenam sas d-@he, wala sas @daga. ¹⁵ Kawanay azzahir as t@sharragham aytedan, nak amaran w@r sh@rr@gha waliyyan. ¹⁶ As ig'awen da as fall-i d-osa adi, ad sharragha, amaran @sh@righa-nin issohat, f@las iddew d@r-i Abba wa di-d-iss@glan. ¹⁷ @lqanun-nawan iktab dagh-as âs t@g@yya n @shin meddan a t@mosat tid@t. ¹⁸ Nak za t@g@yya iyyadda a mosagh i man-in, t@g@yya-nin ta n sanatat amaran Abba s @nta di-d-iss@glan a tat-imosan." ¹⁹ T@zzar @nnan-as: "M@nid illa Abba-nak?" Inn-asan ghaysa: "W@rmad di-t@zdayam za w@r t@zdayam Abba-nin. @nnar di-t@zdayam t@zd@yam Abba-nin @ntada."

20 Batuten shin itagg-enat ghaysa assagha wa dagh isasaghru dagh Ahan @n M@shina ghur adag wa dagh tiddawan @rr@z@ghan. Mishan w@r t-illa i igmayan d a t-ab@z f@las alwaq-net a du-w@r-newed harwada.

W@r t@fregam iki @n dad @kke

21 Ilas ghaysa inn-asan: "Teklay a z-aga, amaran a di-t@s@ss@gg@lam, mishan a kawan-iba dagh tishit @n nasbakkadan. W@r t@fregam a di-in-t@lk@mam s adag wa @kke." ²² Ad tin@m@nnin arat dagh K@l-@ly@hud gar-essan: "Meqqal iman-net a z-anghu, f@las a inna w@r n@freg a das-n@lk@m s adag wa ikka." ²³ Inn-asan ghaysa: "Kawanay aytedan n ares a t@mosam, nak in afalla. Kawanay k@l @dd@net a da a t@mosam, nak w@r di-t@la @dd@net a. ²⁴ A di da f@l dawan-@nne a kawan-iba dagh tishit @n nasbakkadan. As w@r t@zz@gzanam as @mosa "Wa Illan da", @lasagh-awan emel n as a kawan-iba dagh igi @n bakkadan." ²⁵ "Ma t@mosagh?" @nnan-as. Inn-asan ghaysa: "Awa dawan-@mmala ghur tizarat har harwa a mosa." ²⁶ @llan-tu aratan aggotnen as @fragagh a tan-anna dagh talgha-nawan, @llan-awan-tu attadiban aggotnen. Mishan wa di-d-iss@glan M@shis @n tid@t a imos, amaran arat wa di-d-inna, a @mmala y @dd@net."

27 W@r @gren as Abba f@l dasan-imm@grad. ²⁸ T@zzar inn-asan ghaysa: "As t@gam iman n Ag Awedan s @s@hhuki wa das-za-tagim f@l t@g@ttawt, ad t@ss@nam as nak @mosa "Wa Illan da". Ad t@ss@nam as w@r t-illa a tagga g@r-i @d man-in, arat wa di-isassaghra Abba ghas a ganna. ²⁹ Wa di-d-izammazalan iddew d@r-i. W@r di-oyya ghas-in f@las faw da arat wa das-igrazan ghas a tagga." ³⁰ Amazay wa dagh inna ghaysa arat wa, @zz@gzanan s@r-@s aytedan aggotnen.

Win @mosnen @zzurr@ya n Ibrahim @s tid@t

31 T@zzar inna ghaysa i K@l-@ly@hud win s@r-@s @zz@gzanen: "As t@bb@rdagam y awa kawan-sassaghra, @ddi t@mosam inalkiman-in win tid@t, ³² t@ss@nam tid@t, tid@t amaran @nta kawan-za-t@s@ll@llet."

33 @nnan-as: "Nakkanay ya @zzurr@yya n @nn@bi Ibrahim a n@mos, w@r kala dagh @dd@net ad n@qqal eklan @n waliyyan, mafel as t@ganna: "Ad tallallem"?" ³⁴ Inn-asan ghaysa: "@gg@yegh @silakanagh-awan as awedan kul wa itaggin ibakkadan, w@di akli @n bakkadan a imos. ³⁵ @nta akli w@r das-t-illa adag @n faw dagh aghaywan, mishan Barar wa eraw aghaywan w@di edag-net ill-ay har faw. ³⁶ Dagh adi as kawan-isaddarfat Barar, w@di ad tallallem @s tid@t. ³⁷ @ssanagh as @zzurr@yya n Ibrahim a t@mosam, mishan t@gammayam d ad tagim iman-in f@las awal-in w@r ides iwallan-nawan. ³⁸ Nak arat wa @naya ghur Abba-nin a @mmala, amaran kawanay t@taggim awa as t@slam ghur abba-nawan Iblis."

39 @nnan-as: "Abba-nana ya Ibrahim a t-imosan." Inn-asan ghaysa: "@nnar tid@t âs t@mosam bararan n Ibrahim ad t@taggim imazalan win iga Ibrahim. ⁴⁰ Kawanay amaran @m@r@dda t@gammayam @d tanaghay-nin, nak imosan awedan dawan-immalan tid@t s @mm@k was di-tat-d-inna M@shina. Arat w@di w@r t-iga Ibrahim. ⁴¹ Imazalan win iga abba-nawan a t@taggam." @nnan-as: "Nakkanay w@r n@mos iniba; w@r n@la ar abba iyyanda a t-imosan M@shina."

42 Inn-asan ghaysa: "@nnar M@shina a imosan Abba-nawan tarim-i, f@las M@shina a d-@gmada, @nta a d-@fala, w@rge g@r-i @d man-in as d-ose, kalar @nta di-d-izammazalan. ⁴³ Mafel w@r t@grem t@maj@q-in? W@r dawan-igdel @g@rri-net ar as w@r t@fregam @s@s@m y awal-in. ⁴⁴ W@r t@lem dagh abbatan ar Ashaytan, amaran t@ram ad tassandim deranan n abba-nawan. Harwa ghur @n@tti ad iqqal @ljani, amaran w@r ibded dagh tid@t, f@las w@r t@ha tid@t @w@l-net. Igi @n bahu a imosan @tt@bighat-net f@las anasbahu a imos n abba @n bahu. ⁴⁵ Mishan nak tid@t as tamagrada. Adi da f@l di-w@r-t@zz@gzanam. ⁴⁶ Ma dagh-wan imos wa z-isattaddin as @gegh ibakkadan? Kud tid@t a @mmala mafel w@r di-t@zz@gzanam? ⁴⁷ Awedan imosan arat dagh tamattay @n M@shina, @s@s@m a itaggu y awal @n M@shina. Kawanay amaran w@r t@s@simam, f@las w@r t@mosam tamattay @n M@shina."

ghaysa d Ibrahim

48 T@zzar @nnan K@l-@ly@hud i ghaysa: "W@rgegh kala n@nna kay iyyan dagh K@l Samar@ya a t@mosagh amaran izdaq-qay agg@suf?" ⁴⁹ Inn-asan ghaysa: "W@r di-izdegh agg@suf, Abba-nin ghas a @ss@ghmara, kawanay amaran w@r di-t@ss@ghmaram. ⁵⁰ W@r g@mm@ya adkul i man-in. Ill-ay wa di-igammayan adkul, amaran @nta a ikhakkaman. ⁵¹ @gg@yyegh @silakanagh-awan as awedan wa ittafan awal-in, w@r ilkem ad inay t@mattant."

52 @nnan-as arat dagh K@l-@ly@hud: "@m@r@dda ad n@kkas ashak as izdaq-qay agg@suf! Ibrahim da aba-tu @nta harkid @nn@bitan kul, kay amaran t@ganna: "Awedan kul wa ittafan awal-in w@r ilkem ad t-aba." ⁵³ Abba-nanagh Ibrahim da aba-tu: tordegh as togaraq-qu almaqam? @nn@bitan da aba-tan. Kay ma t@khsabagh iman-nak?"

54 Inn-asan ghaysa: "As imos as iman-in f@l sanamala, w@di w@r @legh adkul waliyyan. Abba-nin a di-ihakkan adkul, @nta as t@gannim: "Imos @m@li-nana", ⁵⁵ amaran w@r tu-t@zdayam, mishan nak @zdayaq-qu. As @nne w@r t-@zdaya, w@di ad @qq@lagh anasbahu @n shilat-nawan. Kalar @zdayaq-qu, amaran @ttafagh awal-net. ⁵⁶ Abba-nawan Ibrahim imâl-tu @d t@d@wit f@l as das-igmad ashak as ad in@y assa-nin, amaran inay-tu, ikna t@falawist y awen." ⁵⁷ @nnan-as K@l-@ly@hud: "Kay w@r teweda wala s@mmosat t@m@rwen n awatay eges t@nne t@nayagh Ibrahim?" ⁵⁸ Inn-asan: "@gg@yye silakanagh-awan as dat t@hut n Ibrahim da nak @mosa "Wa Illan da"." ⁵⁹ T@zzar ad takammen shihun y a das-agin zabaw, mishan ya ilghas-asan, igmad afarag n Ahan @n M@shina.

 

@zuz@y wa iga ghaysa y awedan a d-ih@wan @d taddarghalt

9 Ijiwankat ghaysa as inay al@s s as d-ih@w da imos @m@ddergh@l. ² @ss@stanan-tu nalkiman-net @nnan-as: "@shikh, mafel ih@w-d' al@s a imos @m@ddergh@l? Ak @dd@lil n abakkad-net, megh ak abakkad @n marwan-net?" ³ Inn-asan ghaysa: "W@rmad iddirghal f@l @dd@lil n abakkad-net, wala degh abakkad @n marwan-net. W@r idd@rghal ar y a fall-as t@t@w@n@y tarna @n M@shina. ⁴ Iwar-anagh ad naknu @sh@gh@lan @n wa di-d-iss@glan iket di ad ig'azal, f@las ehad izay-du, amaran w@r t-illa i dagh-as ifragan @sh@gh@l. ⁵ Iket @hegh @dd@net @mosagh @nnur n @dd@net."

6 As iga batu ta, issotaf dagh amadal, ig' arat @n talaq @s t@sutaf-net, iss@lal-tat i shittawen n @m@ddergh@l, ⁷ inn-as: "Aglu shir@d ud@m-nak dagh t@ghazart ta n Silokham (es@m wa almaghna-net anammazal.) Igla @m@ddergh@l ishorad ud@m-net, as d-iqqal da ihannay.

8 Ad gannin naragan-net, d aytedan win t-@naynen imos @mansay dat awen: "Ak awa w@rgegh @m@ddergh@l was faw iqqim itansay?" ⁹ Wiyyad gannin: "@nta dagh awen.", wiyyad @nta da gannin: "Kala, tulat ghas d@r-@s iga." @nta amaran igannu: "Nak dagh awa." ¹⁰ A tu-sastanan gannan-as: "M@ni esaway was t@grawagh asawad-nak?" ¹¹ Inn-asan: "Al@s as gannin ghaysa, a igan arat @n talaq, t@zzar iss@lal-tat i shittawen-in, inn-i ad aglagh @shir@dagh ud@m-in dagh t@ghazart ta n Silokham. @glegh @shoradaq-qu ghas, @grawagh asawad-in." ¹² @nnan-as: "Ma iga za al@s w@di?" Inn-asan: "W@r @ssena".

13 @lwayan aytedan win al@s was kala ad imos @m@ddergh@l, har d@r-@s osan Farisaytan. ¹⁴ @nta @z@l @n t@sanfawt @n K@l-@ly@hud a dagh iga ghaysa talaq, iss@swad @m@ddergh@l wen. ¹⁵ A tu-sastanan Farisaytan @ntanay da d asaway was igraw asawad-net. Inn-asan al@s wa: "Arat @n talaq a iga f@l shittawen-in, @shoradagh ud@m-in, amaran @m@r@dda @hannaya." ¹⁶ Ad gannin arat dagh Farisaytan: "Al@s wa igan arat wa, w@r d-ifel M@shina f@las w@r isassahat @z@l @n t@sanfawt-nana." @nnan wiyyad: "Alghalamaten shin, man@mm@k as tanat-z-ag' awedan imosan anasbakkad?" T@zzar @mm@zrayan dagh talgha ten. ¹⁷ T@zzar @lasan @s@stan n al@s was kala ad idd@rghal @nnan-as: "Kay a innan izzozay-kay al@s dagh taddarghalt, @m@l-anagh aw'as tordegh as imos-tu." Inn-asan: "@nn@bi a imos."

18 @glan Farisaytan w@r @zz@gzanan as al@s wa kala ad idd@rghal har du-sassaghran imarwan-net. ¹⁹ @nnan-asan: "@nta da da barar-nawan was t@nnam as d-ih@w da iddirghal? M@ni t@m@wit tas igraw asawad-net @m@r@dda?" ²⁰ @nnan-asan marwan n al@s: "N@ssan as barar-nanagh a imos, n@ssan @ntada as as d-ih@w da iddirghal, ²¹ mishan w@rmad n@ssan t@m@wit tas igraw asawad-net, za wala degh awedan wa t-iss@swadan. S@st@nat-tu iman-net, f@las al@s washaran a imos ifragan ad ammagrad dagh talgha ta tu-t@qqalat." ²² Batu ta w@r tat-@gen marwan-net ar f@l t@ks@da @n muzaran @n K@l-@ly@hud f@las t@nna a gan awedan kul wa igg@yyen as ghaysa a imosan @lm@sikh, w@di ad t-@kk@san dagh tiddawat @n t@m@zg@dda @n K@l-@ly@hud. ²³ Awen da f@l @nnan marwan-net: "Tusharay-net t@shishawad-tu dawan ammagrad dagh talgha ta tu-t@qqalat, s@st@nat-tu."

24 @lasan-du Farisaytan tegharay n al@s was kala ad imos @m@ddergh@l @nnan-as: "Iksad M@shina t@m@la tid@t. Nakkanay n@ssan as al@s di anasbakkad." ²⁵ Inn-asan al@s wa: "Nak w@r @ssena kud anasbakkad a imos wala. Arat iyyanda ghas dagh @ssana: as kala ad @mosagh @m@ddergh@l, @m@r@dda amaran @hannaya." ²⁶ D@ff@r awen @nnan-as: "Ma imos arat wa dak-iga? M@ni esaway was kay iss@swad?" ²⁷ Inn-asan: "Arat w@di ya @malagh-awan-tu mishan w@r di-t@ss@samam. Mafel as t@ram a dawan-t-@l@sagh emel? Meqqal ak kawanay da a t@ram ad t@qq@lam inalkiman-net ketnawan?" ²⁸ @rbadan-tu @nnan-as: "Kay a imosan @nalkim-net, nakkanay inalkiman @n Musa a n@mos. ²⁹ Musa n@ssan as ishewal-as M@shina, amaran al@s w@di w@r n@ssen sas d-iha fadda."

30 Inn-asan: "Al@s wa w@r t@ssenam wala sas d-iha mishan izzozay-i dagh taddarghalt! Arat ya wa @nta a isammaklalan w@llen!" ³¹ T@ssanam as M@shina w@r iq@bb@l shiwatriwen @n nasbakkadan. As das-ibb@rdag awedan, itamazal tara-net, @ddi ad iqqabbal shiwatriwen-net. ³² W@r kala ad itawasla awedan issiswadan i d-ih@wan @d taddarghalt. ³³ @nnar imos as al@s di w@r d-ifel M@shina, w@r z' ifr@g igi @n wala." ³⁴ Harashen-tu @nnan-as: "Ko! Adis kay was as du-t@huwa da t@mosa t@b@lul@q n abakkad, kay a iran a dana-takfagh alfaydaten?" T@zzar @staghan-tu dagh adag wen.

Aytedan win @dd@rghalnen dagh @ddin

35 As isla ghaysa @mazal wa igan da, t@zzar iswad y al@s wen har t-igraw inn-as: "Kay ak t@zzigzana s Ag Awedan?" ³⁶ Inn' al@s i ghaysa: "@m@l-i a wa imos, @m@li-nin, f@las aregh a s@r-@s @zz@gz@na." ³⁷ Inn-as ghaysa: "T@nayaq-qu, amaran @nta dada dak-imm@gradan da." ³⁸ Inn-as al@s: "Ayew, @m@li-nin, @zzigzanagh." T@zzar iss@jad-as.

39 Amaran inna ghaysa: "Nak assa a d-@gegh @dd@net f@l ad agu @sh@righa, y ad @sw@dan win w@r n@h@nn@y, addarghalan win hannaynen." ⁴⁰ @slan arat dagh Farisaytan win d@r iddew y awa inna da @nnan-as: "Dagh adi nakkanay da im@dd@rghal a n@mos?" ⁴¹ Inn-asan ghaysa: "@nnar t@mosam im@dd@rghal w@r za tilem lahan, mishan dad imos as t@gannim: "Nakkanay n@hannay", w@di kawanay t@llam-tu @d lahan."

 

ghaysa @nta a imosan amadan wa olaghan

10 "@ggiyyegh @silakanagh-awan as: Awedan wa w@r n@ggez afarag n ayf@d s @mi-net, t@zzar itaraggat-t-idu sas w@r ila imi, w@di abaydag n @jaj@b n azangaw a imos. ² Amaran wa d-iggazan s @mi n afarag, w@di @nta a imosan amadan n ayf@d. ³ @naghlif n afarag a z' al@man imi, @ss@s@mnat ayf@d y @m@sli n amadan, ad igharru shin-net s esmawan-nasnat isardaq-qanat afarag. ⁴ As d-ighrad ikus @n shin-net, a dasnat-izar, t@zzar @lk@mnat-as, f@las @zdaynat @m@sli-net. ⁵ As ig'awen awedan wa dasnat-imosan @naftagh, w@r das-z-@lk@mnat, ewef fadda tu-z-aginat f@las w@r @zdaynat @m@sli-net." ⁶ @lmital wa da dasan-iga ghaysa, mishan w@r @gren almaghna n awa dagh imm@grad da.

7 Ilas ghaysa inn-asan: "@gg@yyegh @silakanagh-awan as nak a imosan imi was raddaghnat ayf@d. ⁸ Win dat-i d-osanen kul ibaydagan @n jujab @n z@nga a mosan amaran w@r dasan-@ss@samnat ayf@d. ⁹ Nak a imosan imi. Wa s@r-i d-iggazan ad afsu. Ifrag ad itaggaz iraddagh, igr@w @ntada imensewan-net. ¹⁰ Abaydag w@r d-itisu ar f@l shikra, d igi @n man d @hluk. Nak amaran ose-du f@l ad @gr@wan aytedan t@m@ddurt, @gr@wan-tat da za @s t@m@wit w@r n@la @ddukad.

11 Nak a imosan amadan wa olaghan. Amadan wa olaghan iman-net a isamalkaw f@l ayf@d-net. ¹² Mishan awedan was @t@w@ghfar a iga f@l ad id@n ayf@d, w@r tanat-ila, w@di as ogga @ridal izay-tanat-du, ad addaggag ayy-enat-in, t@zzar ab@z dagh-asnat @ridal awa ira, iz@ww@ziw@z-tanat. ¹³ Arat wa itagg-ay al@s wa f@las @t@w@ghfar a iga y @sh@gh@l wa, w@r izlay a @ganat ayf@d. ¹⁴ Nak a imosan amadan wa olaghan. @zdayagh ayf@d-in, ayf@d-in degh @zdaynat-i, ¹⁵ zun @mm@k was di-izday Abba-nin, d @mm@k was t-@zdaya nak da. Iman-in simalkawaq-qan f@l ayf@d-in. ¹⁶ @legh ayf@d shiyyad @ntada w@r n@ha afarag wa. @ntanatay da kundaba azzaragh-asnat. Ad aslinat y @m@sli-nin, @qq@lnat @s@g@n iyyanda ilan amadan iyyanda. ¹⁷ Abba ir-i f@las iman-in a sammalkawa f@l a tan-@l@sagh agaraw. ¹⁸ W@r t-illa i dagh-i z'ab@zan iman, kalar iman-in a sammalkawagh @s t@radawt-in. @legh f@rregat n @s@mm@lk@w-nasan, @legh da f@rregat n agaraw-nasan tolas. @nta da dagh arat was di-omar Abba-nin s igi-net."

19 Ilas ades @n K@l-@ly@hud @m@zr@y dagh talgha n aratan win igannu da. ²⁰ A dagh-san aggen gannin: "Al@s wa agg@suf a t-izdaghan! Awa @meskel! Mafel t@ssisamam-as?" ²¹ Wiyyad gannin: "Awedan izdagh agg@suf w@r it@ggu awal olan d awa. Tordam as ill-ay agg@suf ifragan @s@sw@d @n m@dd@rghal?"

ghaysa @nta a imosan @lm@sikh, imos Barar @n M@shina

22 Azzaman en tagr@st, ewad-du @mud @n saktan n @t@w@z@zdag n Ahan @n M@shina dagh Yerusalam. ²³ Itij@w@nkit ghaysa dagh Ahan @n M@shina dagh tarrayt t@falat as itawannu "ta n Suliman." ²⁴ ghilayghalayan-tu K@l-@ly@hud win @llanen den gannin-as: "Kay ak har @mmay w@r dana-tore dagh aghaf? Kud kay @lm@sikh a t@mosa, t@z@lul@gha-du tannagh-anaq-qu."

25 Inn-asan ghaysa: "@nnegh-awan-tu, mishan w@r di-t@zz@gzanam. Imazalan win @ge s es@m n Abba-nin, @gg@yyen-i. ²⁶ Mishan w@r di-t@zz@gzanam f@las w@r t@tabaqqem dagh ayf@d-in. ²⁷ Ayf@d-in @sallinat y @m@sli-nin, @zdayaq-qanat, amaran @lkamnat-i. ²⁸ @kfeq-qanat t@m@ddurt t@ghlalat, w@r ilkem ad okhsaynat, amaran w@r t-illa i tanat-z-irk@ban dagh @fus-in. ²⁹ Abba-nin wa di-tanat-ikfan, ogar i t-illan kul t@zz@w@rt. Amaran w@r t-illa i tanat-z-irk@ban dagh @fus n Abba. ³⁰ Nak d Abba arat iyyanda a n@mos."

31 @lasan-du s@r-@s adakal @n t@hun y ad t-anghin. ³² Ilas ghaysa inn-asan: "@ssiknaq-qawan imazalan aggotnen olaghnen a d-@falnen Abba. M@ni dagh-san wa f@l taram a di-tanghim?" ³³ @nnan-as: "Nakkanay w@r n@ra tenaghay-nak f@l as t@gegh @mazal olaghan, kalar @madraw wa t@gegh @ddi a f@l kay za nanghu. Kay w@r t@mosagh ar aggad@m amaran taregh ad tagagh iman-nak M@shina."

34 Inn-asan ghaysa: "Ak @lqanun-nawan w@rgegh iktâb dagh-as as inna M@shina:

"kawanay t@mosam m@shinatan"?

35 W@r n@freg a din-n@g@r arat wa ihan Ik@tban. Es@m wa n m@shinatan, ighra s@r-@s M@shina aytedan win t@kka batu ta iga da. ³⁶ Nak M@shina di-isannafranan izammazal-i-du s @dd@net. Man@mm@k dagh adi as za tannim taggagh @madraw f@l as @nne: "@mosa Barar @n M@shina"? ³⁷ As imos as w@r t@ggagh imazalan win as di-d-iss@gla Abba-nin y a tan-aga, a di-w@r-t@zz@gz@nam. ³⁸ Mishan dad imos as taggaq-qan, w@di kud s@r-i w@r t@zz@gzanam da, z@gz@nat kuddegh @s mazalan win tagga, f@l ad t@ss@nam, tassantim @ntada @g@rri n as Abba irtay d@r-i, nak degh @rtaya d Abba." ³⁹ @lasan agamay d abbaz-net, mishan ya igmad-tan.

40 Ilas ghaysa iki @n t@gadamayt ta hadat @n Yordan, dagh adag wa dagh iss@nta Yakhya @s@lm@gh n aytedan dagh aman, t@zzar iqqim den da. ⁴¹ Osan-t-in aytedan aggotnen, gannin: "Yakhya w@r iga alghalamat waliyyat, mishan aratan kul win danagh-inna s al@s wa, @mosan tid@t." ⁴² Den dagh ad @zz@gzanan aytedan aggotnen @s ghaysa.

 

Iba @n Lazar@s

11 Ill-ay al@s irinan igan es@m Lazar@s, ihan t@ghr@mt @n Betan@y s @nta a dagh t@ghsar Maryama @d Marta @mosnen shim@drayen. ² Maryama @nt'a t@zwayat alwardi y @m@li ghaysa, t@zzar t@mas-as idaran-net @s j@kkad-net. Amaran amadray-net Lazar@s a irinan den. ³ Sassawaynat t@m@drayen-net @mazal i ghaysa as: "@m@li, @m@ri-nak irin."

4 Assagha wad isla ghaysa i salan win den, inna: "T@s@lkamt @n t@w@rna ten, w@r t@mos t@mattant @n Lazar@s, arat a t@mos a z' assaknin atkul @n M@shina, is@nn@fil@l-du @ntada atkul wa ila Barar @n M@shina." ⁵ @nta ghaysa ira Marta w@llen, @nta @d t@madrayt-net, @d Lazar@s. ⁶ Isla as irin, mishan iga d@ff@r awen @shin adan w@r igmed edag wa iha. ⁷ D@ff@r adi inna i nalkiman-net: "@ndawat ad n@qq@l Yahud@ya." ⁸ @nnan-as nalkiman-net: "@shikh-nana, imuzaran-nana w@rge edes-nasan s@ket dada da gammayan @d tanaghay-nak, kay amaran taregh tewaghlay n akal wen?" ⁹ Inn-asan ghaysa: "@z@l w@rgegh maraw alwaqan d @shin a imos? As ijiwankat awedan dagh azal, w@r z' itin@b@tut@w, f@las ihannay @nnur n @dd@net. ¹⁰ Mishan as ijawankat awedan dagh ahad, ad itin@b@tut@w, f@las w@r t-iha @nnur."

11 D@ff@r as iga batu ta inna tolas: "@midi-nana Lazar@s insâ, ad aglagh a t-id-@ss@nk@ra." ¹² @nnan-as nalkiman-net: "@m@li, dad zamas insâ, w@di @ng@m ad izz@y." ¹³ @nta ghaysa t@mattant @n Lazar@s f@l dasan-imm@grad den, mishan @ntanay a ghilan et@s wa n alghadat as igannu. ¹⁴ T@zzar izalalagh-du inn-asan: "Lazar@s aba-tu. ¹⁵ Amaran isidawat-i as w@r @lle sen dagh alwaq w@di, f@las arat wa @nta s@r-wan du-z-aw@yan a s@r-i t@zz@gz@nam. Mishan @m@r@dda @ndawatanaq-qu." ¹⁶ Inkar Tuma was gannin Eknay, inna i nalkiman win hadatnen: "@ndawat nakkanay da danagh-iba n@ddew d@r-@s."

ghaysa @nta a imosan tanakra dagh t@mattant, imos t@m@ddurt

17 As din-osa ghaysa itt@mal-as as Lazar@s iga @kkoz adan dagh @z@kka. ¹⁸ Betan@y toray-du karad kilawtan @s Yerusalam, ¹⁹ osan-in K@l-@ly@hud aggotnen Marta @d Maryama f@l a dasnat-in-sh@ww@shk@nan dagh adag n amadray-nasnat.

20 As t@sla Marta as ghaysa ihoz-du aghr@m, t@ss@lkad-as. Maryama @nta t@qqim-du dagh aghaywan. ²¹ T@nna Marta i ghaysa: "@m@li, @nnar t@lle da, w@r z' iba amadray-nin. ²² Mishan @m@r@dda da @ssanagh as arat kul wa t@gmaya dagh M@shina a dak-k-agu." ²³ Inn-as ghaysa: "Amadray-nam a d-ink@r dagh t@mattant." ²⁴ T@nn-as Marta: "@ssanagh as amadray-nin a d-ink@r ghur tanakra n aytedan @z@l a ilkaman." ²⁵ Inn-as ghaysa: "Nak a imosan wa d-isankaran dagh t@mattant, @mosa t@m@ddurt. Awedan wa s@r-i izz@gzanan, w@di kud t-aba da a d-idd@r. ²⁶ Amaran awedan kul wa iddaran izzigzan s@r-i, w@di w@r ilkem ad t-aba. T@zzigzanagh arat w@di?" ²⁷ "Awalla" t@nn-as, "@m@li, @zzigzanagh as kay a imosan @lm@sikh, t@mosa Barar @n M@shina, barar was @malan k@tban as a d-as' @dd@net."

Tanakra @n Lazar@s dagh t@mattant

28 As t@ga Marta batu ta, t@kka t@madrayt-net Maryama, t@wat-tat s ahal t@nn-as: "@shikh illa-da, isastan d@r-@m." ²⁹ As t@graw Maryama isalan win, t@ggad-du, t@ss@lkad i ghaysa. ³⁰ As itagg'awen harwa da w@r d-iggez aghr@m, w@r igmed edag wa daq-q-in-tosa Marta. ³¹ K@l-@ly@hud win @hanen ehan wen @llan ghur Maryama gammayan d @s@sm@d-net, oggan-tat as du-t@ggad tarmad t@qqab, t@zzar @lkaman-as @ghilan @z@kka a t@kka y a fall-as t@hallu.

32 As din-tosa Maryama edag wa iha ghaysa togg-ay, t@zzar t@fataqqat ghur daran-net, t@nn-as: "@m@li, @nnar t@lle da, w@r z-iba amadray-nin." ³³ As tat-inay ghaysa t@hallu, inay K@l-@ly@hud win d@r-@s d-@ddewnen @ntanay da @hallin, t@zzar ikna t@r@mmeq, @ghshadan man-net. ³⁴ Inn-asan: "M@ni tu-t@gam?" "@m@li" @nnan-as, "Ayaw @n@y." ³⁵ Ad ihallu ghaysa. ³⁶ @nnan aytedan: "@nawat awa d@r togda tara ta iga y al@s-wa." ³⁷ Mishan @nnan wiyyad dagh-san: "Al@s wa iss@swadan @m@ddergh@l, w@rgegh ifrâg a ad igd@l i Lazar@s t@mattant?"

38 Ikna ghaysa t@r@mmeq tolas, t@zzar ikk' @z@kka. Awa @z@kka imosan @zz@n@f n akazam, amaran t@dbaq-qu t@hunt z@ww@rat. ³⁹ Inna ghaysa: "@kk@sat-du t@hunt!"

T@nn-as Marta ta n tamadrayt n al@s w' aba: "@m@li, al@s di @m@r@dda il'adu, f@las @z@l-net wa n @kkoz awa d anabal." ⁴⁰ Inn-as ghaysa: "W@rgegh @nnegh-am as t@zz@gzana ad t@n@yagh tarna @n M@shina?" ⁴¹ T@zzar t@tawakkas-du t@hunt. Iswad ghaysa dagh j@nnawan inna: "Abba, @ggodayagh-ak as di-t@qbala t@watray-nin. ⁴² Nak iman-in @ssanagh as faw da t@qqabbala shiwatriwen-in. Mishan @shewalagh f@l @dd@lil @n tiddawat ta di-t@ghalayghalayat da, f@l ad @zz@gz@nan as kay a di-d-izammazalan." ⁴³ D@ff@r as iga batu ta, idkal @m@sli-net inna: "Lazar@s, @gm@d-du!" ⁴⁴ Igmad-du @n@mmett@n wa nad, @ttalan fassan-net @d daran-net dagh t@s@wad, t@lsa t@bdoq ud@m-net @ntada. Inn-asan ghaysa: "@kk@sat-as itul tayyim-tu ad ij@w@nk@t."

¿im@rkas shin tanaghay @n ghaysa

45 K@l @ly@hud aggotnen a d-osanen Maryama @nayan arat wa, @zz@gzanan @s ghaysa. ⁴⁶ Mishan @glan wiyyad dagh-san @kkan Farisaytan @malan-asan arat wa iga ghaysa da. ⁴⁷ T@zzar sassagan limaman win zawwarnen, @d Farisaytan @m@ni @n muzaran @nnan: "Ma za nagu? Al@s wa itaggu alghalamaten aggotnen." ⁴⁸ As tu-noyya itaggu aratan win, a s@r-@s @zz@gz@nan aytedan kul, t@zzar asin-du K@l-@rrum addagdagan Ehan @n M@shina, @z@dan aghr@f-nana. ⁴⁹ Inkar-du iyyan dagh-san igan es@m Kayif, imosan @limam wa z@wwaran dagh awatay wen, inn-asan: "Kawanay w@r t@grem wala. ⁵⁰ W@r din t@grem as ofa ad ammat awedan iyyanda dagh adag @n tamattay f@l ad w@r immut @ghr@f ketnet?" ⁵¹ Batu ta iga da w@r tat-iga gar-es @d man-net, kalar tishit-net @limam wa z@wwaran dagh awatay wen, a f@l igraw @lw@layat n as ghaysa kundaba immut f@l @dd@lil n @ghr@f ketnet. ⁵² Amaran w@rge aghr@f wen ghas a f@l tu-z-iba, kalar bararan @n M@shina kul win wazawaznen a du-z-ishid@w ag-en zun t@gh@ssa iyyadda.

53 @z@l wen da dagh @gan muzaran @n K@l-@ly@hud tanat ta n tanaghay-net. ⁵⁴ Awen da f@las ab-as itallam ghaysa dad ira dagh K@l-@ly@hud. Igmad akal wen, ikka iyyan akal iyyan inimahazan @d taneray, dagh @ghr@m igan es@m Efray@m, iqqim dagh-as den da @nta @d nalkiman-net.

55 Azzaman en amud @n K@l-@ly@hud wa n Akkay ihoz-du. A du-tagazzayan aytedan aggotnen n akal wen kul, takkin-du Yerusalam, f@l ad @zz@zd@gan dat @mud. ⁵⁶ Saggadan i ghaysa tin@m@nnin gar-essan dagh Ahan @n M@shina: "Kawanay ak ma t@nnam, tordam as w@r du-z-asu amud wa fadda?" ⁵⁷ @nta ilimaman win zawwarnen @d Farisaytan omaran aytedan as i issanan edag wa iha ghaysa isaffagg-ay f@l ad attarmas.

@t@w@zway @n ghaysa dagh Betan@y

12 S@dis adan dat @mud wa n Akkay ikka ghaysa Betan@y, s @nta dagh ikhsar Lazar@s wa d-issodar dagh t@mattant. ² As din-osa ghaysa tawaggan-as m@gura olaghnen; t@taway-du Marta imensewan amaran Lazar@s iha aytedan win naghamanen @d ghaysa @drawan d@r-@s. ³ T@zzar tobaz-du Maryama aganna @n lit@r n alwardi iyyan ilan almaqam, izz@wat w@llen, t@nghal-tu f@l daran @n ghaysa t@zway-asan-tu, t@zzar t@mas-tan @s j@kkad-net, idnay ahan wa adu n alwardi. ⁴ Inkar Yahuza Iskhar@yuti wa n iyyan dagh nalkiman @n ghaysa was @nta tu-z-agin dagh fassan inna: ⁵ "Mafel w@r din n@zz@nza alwardi wa nab@z-du dagh-as azr@f @n karadat t@mad n @z@l n @sh@gh@l nakf-ay i t@l@qqawen?" ⁶ Arat wa w@r t-inna f@l t@hanint @n t@l@qqawen, kalar abaydag a imos, amaran @nta a ittafan @s@gr@s wa itaggaz @zr@f, idakkal awa t-ihan. ⁷ Eges ya inna ghaysa: "Ayy-et! Alwardi wa kala da togaz-tu y @z@l wa n @t@w@nbal-in. ⁸ ¿il@qqawen faw da t@ddewam d@r-@snat, nak amaran w@rgegh faw @lle ghur-wan."

Assa @n ghaysa aghr@m @n Yerusalam

9 T@sla tiddawat tagget @n K@l-@ly@hud as illa ghaysa den t@zzar osan-in ehan wen, mishan w@rge ghaysa ghas din-@kkan, kalar awnaf a tan-ihan @n Lazar@s wa d-iss@nkar dagh n@m@ttan. ¹⁰ T@zzar @ss@rdaghan-du limaman win zawwarnen tanat n ad anghin Lazar@s @nta da, ¹¹ f@las @dd@lil-net a f@l d@ff@r-san @falan K@l-@ly@hud aggotnen @zz@gzanan @s ghaysa.

12 As affaw @slan aytedan aggotnen a d-@kkanen amud, as ghaysa iggaz-du aghr@m wa n Yerusalam. ¹³ @dkalan-du iz@lan @n t@lazdaq t@zzar @glan @lkadan-as sagharen gannin:

"Hosanna! T@gr@waghet albaraka, kay a d-osan s es@m n @m@li,

kay @m@nokal n Israyil!"

14 Igraw ghaysa @hulel, iwan-tu, s asaway was iha awen Akatab wa innan: ¹⁵ "Ad w@r t@sh@w@sha ya w@l@t Syon*, @m@nokal-nam @ddi a din-izayan @ddi, iwan @hulel."

16 Inalkiman-net w@r @gren arat wa dagh tizarat, mishan assagha wad igraw ghaysa adkul-net, @ktan-du as Akatab imal aratan win, amaran arat wa imal kul itiwag-as."

17 Tamattay ta t@mm@gnet assagha wa dagh d-ighra ghaysa Lazar@s dagh t@saskawt iss@nkar-t-idu dagh t@mattant, t@gg@yyat-as. ¹⁸ Awen da f@l das-du-t@ss@lkad tiddawat, f@las @slan as iga alghalamat ta. ¹⁹ T@zzar ad tin@m@nnin Farisaytan gar-essan: "Toggam-tu? Indar-awan a d@r t-in t@kkam, har as aytedan kul @lkaman-as."

Emel wa iga ghaysa t@mattant-net

20 @llan-tu arat dagh K@l T@g@rekt @hanen aytedan win d-@gg@zzaynen @s Yerusalam y ad @ghb@dan dagh azzaman n @mud. ²¹ @kkan iyyan dagh nalkiman @n ghaysa igan Filibbus wa n t@ghr@mt @n Betsayda ta n akal @n Galilaya, @nnan-as: "N@gmay dagh-ak ad n@n@y ghaysa." ²² Igla Filibbus imal y Andraw@s, d@ff@r adi iddew Andraw@s @d Filibbus @malan arat wa i ghaysa. ²³ Inn-asan ghaysa: "Alwaq ewad-du @m@r@dda wa dagh z-igr@w Ag Awedan adkul-net. ²⁴ @gg@yyegh @silakanagh-awan as tablalt n alkama as w@r t@rtek dagh amadal t@mmut, ad taglu t@mos ghas-net, mishan as t@mmut, ad tag'ara aggen. ²⁵ I iran iman-net ad t-@gm@dan. Amaran awedan wa iksanan iman-net dagh @dd@net ta, w@di w@r tu-z-@gm@dan kundaba @qqalan-as t@m@ddurt t@ghlalat. ²⁶ Awedan kul wa iran a di-ishgh@l, ilk@met-i, as iga adi edag wa @hegh @nta a z-igg@z, akf-ay degh Abba-nin almaqam.

27 "@m@r@dda @ghshadan man-in. Ma z-anna? Ak ad anna: "Abba safs-i dagh assaghat ta? Mishan w@r d-ewedagh alwaq wa ar f@l a fall-i agu. ²⁸ Abba, s@nn@fil@l t@la-nak adkul." T@zzar igmad-du @m@sli ij@nnawan inna: "T@la-nin adkul @sinafalalaq-qat, amaran a tat-@l@sagh @s@nn@fil@l."

29 Tamattay ta t@llat den, t@sla y @m@sli wa, a t@ghil eggag. Ad @gannin wiyyad: "Angalos das-ishewalan da n @m@r@dda." ³⁰ Inn-asan ghaysa: "@m@sli wa w@rgegh @dd@lil-in a f@l d-iga, kalar @dd@lil-nawan kawanay. ³¹ @m@r@dda ad za t@t@w@khk@m @dd@net-ta. @m@r@dda din z-it@w@g@r @muzar n @dd@net ta. ³² Amaran nak as tawasahake f@l amadal @wara t@g@ttawt, a d-@lw@yagh aytedan kul @s man-in." ³³ Batu ta isidagan s@r-@s esaway was tu-z-iba.

34 T@nn-as tamattay: "N@nay dagh @ttawrit as @lm@sikh ad agu t@m@ddurt t@ghlalat. Man@mm@k amaran as dana-za-tannagh Ag Awedan ad it@w@s@huk@t f@l amadal? Ma imos Ag Awedan was t@gannagh @ddi?" ³⁵ T@zzar inn-asan ghaysa: "@nnur harwa da illa ghur-wan, har agin arat n azzaman, j@w@nk@tat iket di ad t-illa @nnur f@l a kawan w@r @ghd@rnat shiyyay, f@las wa ijawanken dagh shiyyay, adi w@r issen sas idag. ³⁶ Iket t@lam @nnur, z@gz@nat s@r-@s f@l ad t@qq@lam bararan n @nnur."

As ighrad ghaysa igi @n batu ta, igla ilghas-asan dagh adag a iggugan.

T@z@r@st n @sh@gh@l wa iga ghaysa dat awedan kul

37 Alghalamaten aggotnen shin iga ghaysa dat-san, w@r s@r-san d ewaynat as s@r-@s @zz@gz@nan, ³⁸ f@l ad t@kmal batu ta iga @nn@bi Isayas as inna:

"@m@li, ma imos wa izz@gzanan s arat wa n@mal? Ma imos was t@nafalal tarna n @m@li?"

39 @dd@lil wa f@l w@r @fregan ad @zz@gzanan @ntada imal-tu @nn@bi Isayas as inna: ⁴⁰ 

M@shina a tan-isaddarghalan, iss@ghar iwallan-nasan,

f@l ad ib-as hannaynat shittawen-nasan, ib-as garrin wallan-nasan,

f@l a s@r-@s w@r m@l@ll@yan izzuz@y-tan."

41 Isayas inna aratan win f@las inay adkul @n ghaysa, amaran immigrad fall-as. ⁴² As ig'awen da imuzaran iman-nasan da a dagh-san aggen @zzigzanan s@r-@s, mishan f@l t@ks@da @n Farisaytan, w@r @helan emel n awen, f@las w@r @ren ad t@w@kk@san dagh t@m@zg@dda-nasan, ⁴³ amaran @ssofan saghmar wa n aytedan y @dkul wa ihakku M@shina.

44 Idkal ghaysa @m@sli-net inna: "Awedan wa s@r-i izz@gzanan, w@rge nak ghas as izz@gzan, kalar wa di-d-izammazalan da izzigzan s@r-@s. ⁴⁵ Amaran wa dagh-i iswadan, adi wa di-d-izammazalan a dagh iswad. ⁴⁶ Nak zun @nnur a mosa, @kke-du @dd@net yas i s@r-i izz@gzanan w@r z' aqqam dagh shiyyay. ⁴⁷ As isla awedan i batuten-in iqqim w@r tanat-ittef, w@rge nak a tu-z-awwaddaban, f@las nak efsan n aytedan a d-@kke s @dd@net, w@rgegh attadib-nasan. ⁴⁸ Dagh adi awedan kul wa di-olkan, iqqim w@r iga tembay dagh batuten-in, w@di illa-tu wa tu-z-awwaddaban. Awal wa da @ge da iman-net a das-z-ishr@ghan @z@l a ilkaman. ⁴⁹ F@las batuten-in w@rge g@r-i @d man-in as tanat-@ge, kalar Abba wa di-d-iss@glan iman-net as di-omar s arat was ihor ad t-anna, @d was ihor a fall-as ammagrada. ⁵⁰ @ssanagh as arat was omar @nta a itawayan @s t@m@ddurt ta t@ghlalat. Dagh adi, arat wa f@l @mm@grada, @mm@k wa dagh as di-t-imal Abba @nta as s@r-@s @mm@grada."

Iba @n ghaysa @d tanakra-net dagh t@mattant

@shir@d wa iga ghaysa idaran @n nalkiman-net

13 Awa itaggu dat @mud wa n Akkay. ghaysa issân as alwaq-net osa-du wa n agamad n @dd@net iqq@l Abba. ghaysa irâ aytedan-net @hanen @dd@net, amaran @m@r@dda ig-asan tara ta ghur d-@raznat.

2 Itamansaw ghaysa @d nalkiman-net ehad. As itag'awen da Iblis igâ dagh @w@l @n Yahuza wa n ag Simghon Iskhar@yuti t@kaddilt @n ghaysa. ³ ghaysa issân as M@shina di n Abba igâ arat kul dagh @fus-net, issân tolas as igmâd-du M@shina harwa ad t-iqq@l. ⁴ Ibdad f@l mensewan, t@zzar ikkas takatkat-net ta n afalla, idkal af@r igbas-tu, ⁵ t@zzar iga aman dagh aghlal, ad isharad idaran @n nalkiman-net, immas-tan s @f@r wa igbas da.

6 As d-ewad ghaysa Simghon Butros inn-as: " @m@li, kay, a z-ishir@dan idaran-nin?" ⁷ Inn-as ghaysa: "Awa tagga da w@r t@frega @g@rri-net @m@r@dda mishan a tu-tagra d@ff@r awa." ⁸ Inn-as Butros: "Kay, ad t@shir@da idaran-in? Wala @n@mihaz!" Inn-as ghaysa: "As dak-tan- w@r -@shorada nak d@r-@k n@mmizzay." ⁹ Inn-as Simghon Butros: "Dagh adi @m@li, w@rge idaran-nin ghas, shired harkid fassan d aghaf." ¹⁰ Inn-as ghaysa: "Awedan ishoradan, w@r iddarar ar @shir@d @n daran y ad izdag ketnet, amaran kawanay, t@z@ddigam, mishan w@rge ketnawan." ¹¹ ghaysa issân wa tu-z-akkaddalan; adi a f@l inna: "W@r t@z@ddigam ketnawan."

12 As ighrad ghaysa @shir@d @n daran-nasan, izlag takatkat-net, iqqal edag-net, t@zzar inn-asan: "Awak t@grâm awa dawan-@ge da? ¹³ T@gannim-i "Am@s@sseghri" d "@m@li", t@gannim a olaghan, f@las @mosaq-q. ¹⁴ Dagh adi kud nak, imosan @m@li d @m@s@sseghri, @shorada idaran-nawan, iwar-kawan, kawanay da, dagh ilkam wa, ad t@timashiridam idaran. ¹⁵ @s@knaq-qawan arat wen f@l a tu-t@taggim kawanay da s @mm@k was dawan-t-@ge. ¹⁶ @gg@yyegh silakanagh-awan as, akli w@r oger m@shis, wala da ogar anammazal wa t-id-izammazalan. ¹⁷ Amaran dad t@ssanam aratan win, iket t@falawist a tat-tagim kudis t@tamazalam-tan. ¹⁸ W@r dawan-g@nna ketnawan; win sannafrana kul @zdâyaq-qan mishan kundaba inda awa @malan @lk@ttaban as @nnan: "Wa d@r @drawa, iqqal amaksan-in". ¹⁹ @nnegh adi @m@r@dda harwa w@r iga, y ad t@zz@gz@nam, as iga, as nak @mosa wa illan da. ²⁰ @gg@yyegh silakanagh-awan as wa iqbalan @yyan dagh n@mmuzal-in, nak iman-in a iqbal. Harwa wa di-iqbalan, wa di-d-izammazalan a iqbal"

Emel wa iga ghaysa i t@kaddilt ta tu-z-agu Yahuza

21 As inna ghaysa awen, @ghshadan man-net, t@zzar inna: "@gg@yyegh silakanagh-awan as iyyan dagh-wan a di-akkaddal." ²² Ad tin@m@swidan nalkiman-net, @qqânan ghafawan-nasan i was igannu. ²³ Iyyan dagh nalkiman-net, wa isannahal ghaysa tara, isighamar dagh ih@z n @dmaran @n ghaysa. ²⁴ Isaddagan-as Simghon Butros ad iss@st@n ghaysa @d was igannu. ²⁵ T@zzar inaz-in analkim wen f@l @dmaran @n ghaysa, inn-as: "@m@li, ma z-iqq@l?" ²⁶ Ij@wwab-as ghaysa: "Wa @kfe akarammu @n tag@lla wa z-@ss@lm@gha dagh @dr@z a." T@zzar iss@lmagh akarammu @n t@g@lla ikfay i Yahuza ag Simghon Iskhar@yuti. ²⁷ D@ff@r as igrâw Yahuza akarammu @n t@g@lla wen, iggaz-tu Iblis. T@zzar inn-as ghaysa: "Tagaghet tarmad awa kay iwaran." ²⁸ Mishan w@l@yyan dagh win d@r-@s @drawnen w@r igra awa f@l das-inn'awen. ²⁹ W@yyad ordân as, iduf wa iga Yahuza azr@f @n nalkiman a f@l das-inna ghaysa: "zanzad-du aùat was za naddarar y @mud; madegh akfu shil@qqawen arat iyyan." ³⁰ Ibaz Yahuza akarammu @n tag@lla, igmad tarmad, as itag'awen da ehad igâ.

Alwajib wa aynayan

31 As igmad Yahuza, inna ghaysa: "@m@r@dda tarna @n Barar n Awedan t@nîfalal, tolas tarna @n M@shina t@nifalal dagh-as. ³² Kud tarna @n M@shina t@nifalal dagh-as, M@shina @nta da ad is@nn@fil@l dagh man-net tarna @n Barar n Awedan dagh alwaq ihozan w@llen. ³³ Imaran-in, alwaq w@r n@gg@t a ghur-wan z-aga. A di-t@gmiyam mishan edag wa @kkegh w@r t@fregam a t-in-taw@dam. Kala @nnegh adi i K@l @ly@hud amaran, kawanay da @nnegh-awan-tu @m@r@dda. ³⁴ A dawan-aga alwajib aynayan: namariwat. Namariwat kawanay da s @mm@k was kawan-are. ³⁵ Kud tanîmaram, adi a z-issus@nan aytedan kul as kawanay inalkiman-in."

ghaysa @d Butros

36 Inn-as Simghon Butros: "@m@li, m@nid t@kke." Inn-as ghaysa: "Edag wa @kke, w@r t@frega a di s@r-@s t@lk@ma @m@r@dda, eges a din-t@lk@ma d@ff@r awa." ³⁷ Inn-as Simghon Butros: "@m@li, mafel as w@r @frega a dak s@r-@s @lk@ma @m@r@dda. @garagh iri y a fall-ak akfa iman-nin." ³⁸ Inn-as ghaysa: "Adis a fall-i takfagh iman-nak? @gg@yyegh silakanagh-ak as w@r z-aghru @k@ji aghora w@r di-t@nkura har karadat täklaten."

 

ghaysa @nta a imosan tarrayt

14 Inn-asan ghaysa: "Ad w@r t@sh@w@sham, z@gz@nat @s M@shina, t@zz@gz@nam s@r-i nak da. ² Ehan n Abba-nin ahân-tu daggan aggotnen @n t@m@khsurt. Awak @nnar w@r iga adi man@mm@k as dawan-z-anna ad agla s@mmut@gagh-awan edag t@zdagham? ³ As tu-sammataga, ad @qqala, idawagh-in d@r-wan f@l ad t@gg@zam edag wa @he. ⁴ Edag wa @kke t@ssânam tarrayt-net." ⁵ Inn-as Tuma: "@m@li w@r n@ssen dad t@kke, man@mm@k as za n@ss@n tarrayt-net?" ⁶ Inn-as ghaysa: "Nak a imosan tarrayt f@las @mosa tid@t @mosa @ntada wa ihakkan t@m@ddurt. Awedan w@l@yyan w@r in-z-aw@d Abba, ar s a di-d-immâr. ⁷ @nnar di-t@zdayam, t@zd@yam Abba-nin @nta da. Amaran @m@r@dda t@zdayam-tu, tolas t@nayam-tu." ⁸ Inn-as Filif: "@m@li, sus@n-anagh Abba, adi igd-ana." ⁹ Inn-as ghaysa: " Filif, @ruwagh as d@r-wan @ddewa, eges harwada w@r di-t@zdaya? W@r t@ssenagh as wa di-inayan, shilat n as inây Abba! Dagh adi man@mm@k as t@ganna: "Sus@n-anagh Abba?" ¹⁰ W@r t@zz@gzanagh as, nak d Abba n@mos arat iyyanda? Batuten shin dawan-@mmala da, w@rge nak ad d-@gmadnat, kalar Abba d@r @mosagh arat iyyanda s@r-i isandan imazalan-net. ¹¹ Z@gzanat-i, nak d Abba arat iyyanda a n@mos; kud w@r t@zz@gzanam s awa @nne, z@gz@nat f@l @dd@lil @n mazalan win as di-t@nayam taggaq-qan. ¹² @gg@yyegh @silakanagh-awan as wa s@r-i izz@gzanan, @ntada ad agu imazalan shilat @n win tagga. Fadda ad agu win tan-ogarnen, f@las nak ad akkagh Abba. ¹³ Amaran a iqqal arat wa t@gmayam s es@m-in a tt-aga, f@l ad t@t@w@n@y tarna n Abba dagh Barar. ¹⁴ As dagh-i t@gmayam arat a iqqal s es@m-in, a tt-aga.

15 "Kud tara a di-t@gam, t@tt@fam alwajiban-in. ¹⁶ Amaran ad @gm@ya dagh Abba a kawan-akfu iyyan @m@ggi @n t@lkhutbat a ghur-wan z' im@lan har faw. ¹⁷ @nta a imosan Infas wa isin@fililan tid@t, was w@r t@freg @dd@net @lq@bulat-net, f@las w@r tu-t@h@nn@y wala da t@zday-tu; eges kawanay t@zdâyam-tu f@las ihhirag d@r-wan amaran ad igg@z iwallan-nawan. ¹⁸ W@r kawan-z-ayya dagh @ddenet t@mosam shilat @n gugelan, a kawan-d-@qq@la. ¹⁹ D@ff@r alwaq w@r n@gg@t, @dd@net w@r di-za-t@l@s anay; eges kawanay a di-t@l@sam anay f@las @ddâra, amaran kawanay da ad t@dd@ram. ²⁰ Alwaq w@di ad t@ss@nam as nak d Abba-nin arat iyyanda a n@mos, t@ss@nam @ntada as t@ham @w@l-in nak da ahegh win-nawan. ²¹ Wa ittafan alwajiban-in, @nta a di-iran. Wa di-iran at-t-iru Abba-nin, araq-qu nak da, t@zzar @ssus@naq-qu iman-in." ²² Inn-as Yahuza wa w@r n@mos ag Iskhar@yuti: " @m@li, man@mm@k as dana-za-t@ssus@nagh iman-nak nakkanay ghas, w@r tan-t@ssosana y @dd@net?" ²³ Inn-as ghaysa: "Awedan wa di-iran, ad itt@f awa @nne, ir-ay Abba-nin, nas-ay-du n@m@l ghur-@s. ²⁴ Wa di-w@r-n@ra, w@di w@r @ttef batuten-in; amaran batu tas t@sallim da, w@rge nak a tat-igan kala ar shin Abba s @nta a di-d-izammazalan.

25 "@gegh-awan-tat harwa kawan-@he. ²⁶ Amaran Am@ggi @n t@lkhutbat imosan Infas wa Z@ddigan wa dawan-du-z-assaglu Abba s @s@m-in, a kawan-isassaghru aratan kul, assakt-iwan-du arat kul wa dawan-@nne nak iman-in. ²⁷ Oyyegh-awan-d alkher, @kfeq-qawan alkher wa-nin; nak, w@r dawan-t-@kfegh @s t@m@wit tas t-illa dagh @dd@net; ad w@r t@sh@w@sham wala t@gg@z-kawan tasa. ²⁸ T@slâm as dawan-@®®e: "Teklay a @gegh", @nnegh harwa "a kawan-d-@qq@la". @nnar ikhsâl as di-t@râm, t@s@dd@w@t-kawan t@nna ta @gegh: "@qqalagh Abba", f@las Abba ogar-i. ²⁹ Amaran aratan win @malagh-awan-tan @m@r@dda harwa w@r @gen, f@l a s@r-i t@zz@gz@nam alwaq wa ad z-agin. ³⁰ W@r d@r-wan z-@l@sa igi @n batu tagget, f@las anakhkim n @dd@net izay-du. W@r di-in-ikka d arat, ³¹ mishan kundaba @gegh awa as di-omar Abba, t@ss@n @dd@net @ntada as aregh Abba." As ighrad batu inn-asan: "@nk@rat @gm@datana edag a."

 

ghaysa @nta a imosa esab n @zz@bib wa n tid@t

15 Inna ghaysa i nalkiman-net: "Nak a imosan esab n @zz@bib wa olaghan, Abba-nin imos m@shis. ² Al@dlid-in kul wa w@r n@tir@w ad t-ikht@s, wa itarawan ad t-ifn@z f@l ad d-inz@r agu ara aggen. ³ Zund adi da, kawanay da eway-du s@r-wan awal-in tazdak; ⁴ agiwat d@r-i tart@yt shilat @n ta d@r-wan @ge, zund as az@l w@r z ar@w ghas-net as d-iqq@tas dagh ash@k; kawanay da @lmital di da a t@ham as d@r-i w@r t@rtayam.

5 "Nak a imosan esab n @zz@bib, kawanay il@dlad-net. Wa d@r-i igan tart@yt ta d@r-@s @ge, a t-idu-t@gm@d t@nfa tagget f@las as dagh-i in-t@qq@tasam w@r t@fregam wala. ⁶ Wa d@r-i w@r n@rtay, a din-it@w@g@r shilat n @l@dlid iqqitasan, aqqar, it@w@k@mm@d-du, it@w@g@r dagh t@mse, ib@l@gl@g. ⁷ As d@r-i t@rtayam, t@ttafam batuten-in, @gmiyat dagh M@shina di n Abba arat kul wa t@ram, a tu-t@grawam. ⁸ @nta da awa as t@tawanay tarna n Abba-nin: a du tar@wam t@nfa tagget, assaknu adi as t@mosam inalkiman-in. ⁹ Tara ta di-iga Abba, @nta a dawan @ge; a tat-w@r-t@gm@dam. ¹⁰ Kud t@ttafam alwajiban-in, w@di t@ham tara-nin zund @mm@k as nak da @ttafa win Abba, @he tara-nnet.

11 "@nnegh-awan adi f@l at tagim t@d@wit ta-nin, amaran da, at tandu t@d@wit-nawan. ¹² @nta da alwajib wa-nin: "Namariwat s @mm@k was kawan-are." ¹³ W@r tu-t@lla tara togarat ad akfu awedan iman-net f@l midawan-net. ¹⁴ Kud t@taggam awa as kawan-omara, w@di kawanay imidawan-in. ¹⁵ W@r dawan-gannagh eklan, f@las akli w@r it@ss@n arat wa itag m@shis. Kala kalar @gegh-awan es@m imidawan-in, f@las awa as @slegh ghur Abba-nin kul @ssosanagh-awan-tu. ¹⁶ W@r di-tasannafranam, eges kawanay, nak a kawan-isannafranan; @siwaraq-qawan at taglim, tar@wam-du t@nfa tagget a za tahagit. @ddi a t@gmayam dagh Abba s @s@m-in a dawan-t-agu. ¹⁷ Omaraq-qawan s ad t@n@m@rim.

18 "Kud gezzar a kawan-t@ga @dd@net, @ss@nat as t@gzâr-i dat-wan. ¹⁹ Kud kawanay @dd@net kawan t@lat, w@di @dd@net tara wa t@la; mishan w@r kawan t@la, f@las nak kawan dagh-as d-isannafranan, adi a f@l kawan t@gzar. ²⁰ Aktiwat-du awa dawan-@nnegh, as: "Akli w@r oger m@shis"; kud @ss@knan-i alghazab, a dawan-t-assaknin kawanay da; kud @ttafan awal-in, kawanay da, ad @tt@fan wa-nawan. ²¹ Eges adi kul, @dd@lil-in a f@l dawan-tu-z-agin; f@las w@r @ssenan wa di-d-izammazalan.

22 "@nnar du-w@r-ose, @shewalagh-asan, w@r z' attarmasan @s bakkadan-nasan, eges @m@r@dda w@r t-illa @saru w@l@yyan a dasan-z-igd@lan a s@r-san attarmasan. ²³ Wa di-igzaran, igzâr Abba-nin @nta da. ²⁴ @nnar w@r @ge gar-essan imazalan @s w@r t-illa awedan as kala tan-iga, w@r z' attarmasan @s bakkadan-nasan. @nayan-tan @m@r@dda eges @glan, @gzaran-ana nak d Abba-nin. ²⁵ Mishan adi iga f@l at tandu batu ta t@nnat dagh @lk@ttaban n @nn@bitan: "@gzaran-i bannan." ²⁶ As d-osa @m@ggi @n t@lkhutbat wa dawan-du-z-assagla ghur Abba, imosan Infas wa isin@fililan tid@t a s@r-wan-du-z-igm@dan Abba, a fall-i aggayyat. ²⁷ Kawanay da, a fall-i taggayyem, f@las t@ddewam d@r-i harwa dagh tizarat."

16 "@malagh-awan adi f@l a kawan-w@r-igm@d @z@gzan-nawan. ² Ad t@t@w@kk@sam dagh t@m@zg@ddawen @n K@l-@ly@hud, fadda ilkâm alwaq dagh-as wa dagh-wan ikkasan iman, illa ghur-@s as M@shina as iga tara-net. ³ Adi a dawan-z-agin aytedan f@las w@rmad a di-@zdayan wala @ssânan Abba. ⁴ @malagh-awan aratan di @m@r@dda, f@l a tan-du-taktim as d-ewad alwaq wa dagh z' agin aytedan tara-nasan. Aratan win w@r dawan-tan-@mela dagh tizarat n @sh@gh@l-in ghur-wan, f@las alwaq w@di harwada @ddewa d@r-wan.

@sh@gh@l n Infas wa z@ddigan

5 "@m@r@dda ad @qq@la wa di-d-izammazalan, mishan w@r kawan iha i di-iss@stanan @d dad @kke. ⁶ Eges @knan man-nawan akhshud f@las dawan-@nne adi. ⁷ D@r iga adi da, a dawan-@m@la tid@t: of-awan ad agla, f@las as w@r @gle w@r kawan-du-z-asu @m@ggi @n t@lkhutbat, mishan as @gle a dawan-t-id-assagla. ⁸ As d-osa ad assaknu aytedan n @dd@net as @khrâkan dagh batu n awa imosan abakkad, d awa imosan alghadala @n M@shina d @sh@righa-net. ⁹ @khrâkan dagh batu n awa imos abakkad f@las tug@yt s a @gan a s@r-i @zz@gz@nan; ¹⁰ @khrâkan dagh batu n awa imosan alghadala f@las tewaghlay a @gegh Abba amaran w@r i-za-t@l@sam anay; ¹¹ @khrâkan dagh batu n awa imosan @sh@righa @n M@shina f@las anakhkim n @dd@net, a t-imosan Iblis, ibâz-tu @sh@righa.

12 "Harwada @le batuten aggotnen as are a dawan-tanat-aga eges w@r asnat-t@zmeram @m@r@dda. ¹³ As d-osa Infas wa isinifililan tid@t, a kawan-iss@lk@m i tid@t kul ta du-t@falat M@shina f@las batuten-net w@r t-idu-z-@gm@dnat, awa as z-aslu ghas a dagh dawan-z-ishiw@l ketnet, im@l-awan aratan win d-@zaynen, ¹⁴ iz@zw@r-i f@las isalan-in win z-igr@w ghas a dawan-z-im@l. ¹⁵ Awa iqqalan Abba ketnet iqqal-i nak da; adi a f@l @nne, isalan-in win z'igr@w Infas wa Z@ddigan a dawan-z-im@l.

T@kenzert @n nalkiman t@qqal t@d@wit

16 "A dawan-@gm@dagh anay d@ff@r alwaq w@r n@gg@t, mishan a di-t@l@sam anay dagh adan w@r n@gg@t d@ff@r adi." ¹⁷ T@zzar namannan w@yyad dagh nalkiman-net: "Ma imos almaghna n awa danagh-inna da? "A dawan-@gm@dagh anay d@ff@r alwaq w@r n@gg@t, mishan a di-t@l@sam anay dagh adan w@r n@gg@t d@ff@r adi ?" @nta da ma imos almaghna n "Abba a @kke"? ¹⁸ Ma imos almaghna @n "dagh alwaq w@r n@gg@t" wa immal da? W@r n@ssen awa as iha batu-net"

19 Issan ghaysa as @rân at-t-@s@stanan. Inn-asan: "T@tinamas@stinam f@las @nne: "A dawan-@gm@dagh anay d@ff@r alwaq w@r n@gg@t, mishan a di-t@l@sam anay dagh adan w@r n@gg@t d@ff@r adi" ²⁰ @gg@yyegh silakanagh-awan as at-talim, t@s@kk@l@lam mishan as itag adi aytedan n @dd@net @ntanay @dd@wen. Ad @khsh@dan man-nawan eges akhshud di a tu-t@zr@y t@d@wit. ²¹ Tantut as iqqal t@taggaz amadal, ad @khsh@dan man-net f@l aggad wa du-t@ga alwaq-net; mishan as d-ihu barar-net, at-tammazzay d @s@mm@dr@n dagh arkanay wa t@nay, is@dd@wat-tat as du-t@gga awedan dagh @dd@net. ²² Kawanay da zund adi da, @m@r@dda @khshâdan man-nawan, mishan a kawan-@l@sagh anay, @z@l w@di at tagim t@d@wit as tu-w@r-illa i dagh-wan tat-z-ikk@san. ²³ W@r-i-za-t@ss@stanam d arat w@l@yyan @z@l w@di. @gg@yyegh silakanagh-awan as, a t@gmayam dagh Abba s es@m-in a dawan-t-agu. ²⁴ Harwada w@r t-illa a t@gmâyam s-es@m-in. @gmiyat at t@gr@wam f@l at tagim t@d@wit t@kmâlat"

ghaysa irza @dd@net

25 "@mâlagh-awan adi @s shashelan, mishan ilkâm alwaq dagh awan-w@r-z-@lasagh emel n arat w@l@yyan wa iqqalan Abba @s shashelan, a dawan t-@m@la s awa imos. ²⁶ @z@l w@di at t@gm@yam dagh Abba s es@m-in. W@r awan-@nne a dawan dagh-as @gmiya, ²⁷ f@las Abba iman-net ir-iwan f@las di-t@ram, @nta da t@zzigzanam as ghur-@s d-@gmâda. ²⁸ Abba a ghur d-@gmada, ose-du @dd@net amaran @m@r@dda a tat-@gm@da @qq@laq-q."

29 T@zzar @nnan-as nalkiman-net: "@n@y, @m@r@dda t@mmalagh-anagh aratan s awa mosan, w@rge @s shashelan. ³⁰ @m@r@dda n@ssan as t@ssânagh dagh arat kul, w@r t-illa arat a iqqal a dak-ighbaran; adi da a f@l n@zz@gzan as Abba a ghur du-t@gmada." ³¹ Inn-asan ghaysa: "Adis @m@r@dda t@zz@gzanam?" ³² @n@yat, alwaq ihoz, fadda iga, wa dagh za t@t@ww@ziw@zam, akkiyyan akku aghaywan-net, tayyim-i-d ghas-in; mishan ya w@r @mosa ghas-in f@las illa ghur-i Abba. ³³ @malagh-awan arat wa f@l at t@gr@wam alkher dagh t@rt@yt ta d@r-i t@gam. At t@niyam arkanay dagh @dd@net, mishan iliwat @w@l, f@las @rzegh @dd@net."

 

T@watray @n ghaysa i nalkiman-net

17 As inna ghaysa awen, idkal asawad-net sa s@r j@nnawan, t@zzar ittar inna: " Abba, alwaq ewad-du, saknu tarna @n Barar-nak f@l ad assaknu @nta da ta nak, ² id t@zzozaraq-qu y aytedan kul f@l ad akfu t@m@ddurt ta t@ghlalat i win tu-t@kfe. ³ Amaran @nta t@m@ddurt ta t@ghlalat awa tat-imosan, ad in@fil@l y aytedan awa t@mosa, kay ghas M@shina wa n tid@t; in@fil@l-asan @ntada as ghaysa @lm@sikh a du-t@zammazala. ⁴ @ssikna tarna-nak f@l amaæal s @s@ndi wa @ge @sh@gh@l was di-t@ss@waragh @zuk-net. ⁵ Amaran @m@r@dda kay Abba, akf-i ghur man-nak tarna ta ghur-@k @legh harwa dat @khluk n @dd@net. ⁶ Sinafalala awa t@mosa y aytedan win du-t@sannafrana t@skataq-qan-du dagh @dd@net, t@geq-qan dagh @fus-in t@zzar @ttafan awal-nak. ⁷ @m@r@dda @ssanan as arat kul wa di-t@kfe, kay a ghur d igmad. ⁸ F@las @malagh-asan awa di-t@nne, @qbalan-tu, amaran silakanan as kay a ghur d-@gmada, @zzigzanan degh as di-du-t@zimazala. ⁹ W@r kay tins@ya y aytedan win @dd@net, kala ar win di-t@kfe a f@l kay tansayagh f@las @mosan i-nak. ¹⁰ A wa @le kul i-nak, kay da a wa t@le kul i-nu; amaran tarna-nin t@tiwanay dagh-san. ¹¹ Nak, ab-as ahegh @dd@net, kay a din-@kke, mishan @ntanay @han-tat. Ya Abba di z@ddigan, ag@z-tan s es@m-nak, a di-t@kfê, f@l ad @qq@lan arat iyyanda shilat @n wa d@r-@k @mosa. ¹² Harwa tan-@he, ogâzaq-qan s es@m-nak, a di t@kfê, w@r dagh-san ikhrek waliyyan ar wa ikhrakan f@l ad andu awa @nnan K@tban. ¹³ @m@r@dda kay a din-@kke, ganna awa harwa @hegh @dd@net f@l ad agin t@d@wit t@ndât shilat @n ta @ge. ¹⁴ @malagh-asan awal-nak t@zzar t@gzar-tan @dd@net f@las w@r tan-t@la zund as nak iman-in w@r di-t@la. ¹⁵ W@r dagh-ak @gmaya a tan-t@kk@sa dagh @dd@net, mishan @gmaya dagh-ak a tan-tag@za dagh Iblis. ¹⁶ W@r tan-t@la @dd@net, zund as nak iman-in w@r di-t@la. ¹⁷ Z@zd@g iwallan-nasan s awal-nak imosan tid@t. ¹⁸ @z@mmiz@l wa di-du-t@ge s @dd@net, @nta a tan s@r-@s @ge nak da. ¹⁹ Amaran @kfeq-qay iman-in f@l @dd@lil-nasan f@l ad akfin win-nasan @ntanay da @s tid@t. ²⁰ W@rge inalkiman-in ghas as kay tansaya, kalar tansayaq-qay @ntada y aytedan win s@r-i z' @zz@gz@nnen f@l as @slan y awal-nasan. ²¹ @gmaya dagh-ak a tan-igan ket-nasan arat iyyanda s @mm@k was d@r-@k t-@mosa; n@qq@l-tu d@r-san nakkanay da f@l ad t@zz@gz@n @dd@net as kay a di-d-izammazalan. ²² @kfeq-qan tarna ta di-t@kfe, f@l ad @qq@lan arat iyyanda zun awa n@mos nak d@r-@k, ²³ nak @rtâya d@r-san, kay t@rtâya d@r-i, f@l ad @qq@lan arat iyyanda @s t@m@wit t@ndât t@zzar t@ss@n @dd@net as kay a di-d-izammazalan harwa t@gegh-asan tara ta di-t@ge. ²⁴ Abba, a @re as win di t@kfe ad @gg@zan @ntanay da edag wa @he f@l ad @hannayan tarna ta di-t@kfe f@las di-tare harwa dat @khluk n @dd@net. ²⁵ Abba, m@shis n alghadala, @dd@net w@r kay-t@ssen eges nak @ssanaq-qay amaran inalkiman-in, @ssânan as kay a di-d-izammazalan. ²⁶ @ssosanaq-qan awa t@mosa amaran w@r z'ammazzaya d adi, f@l a tan-t@gg@z tara ta di-t@ge, @rt@ya d@r-san.

 

@t@rm@s @n ghaysa

18 As iga ghaysa batu ta, ikka tama ta hadat n @girer wa n Kedron. Iggaz @goras illan-den @nta @d nalkiman-net. ² Yahuza Iskhar@yuti wa z'akkaddalan ghaysa issan edag wen, f@las iyy@wan dagh-as ghaysa @m@n@y @nta @d nalkiman-net. ³ T@zzar iddew Yahuza @d taqqamt tagget @n sojitan @n K@l-@rrum, @d magazan n Ahan @n M@shina win d-@ss@glan limaman win zawwarnen, @d Farisaytan, ewayan f@t@laten, @d belan, @d t@zoli-nasan. ⁴ Ihoz-tan-in ghaysa, f@las issân dagh arat kul wa tu-z-igr@wan, iss@stan-tan inn-asan: "Ma imos was t@saggadam?" ⁵ @nnan-as: "ghaysa wa n Nazaret as n@saggad." Inn-asan: "Nak da da." Ibdad gar-essan Yahuza wa t-ikk@ddalan. ⁶ Amazay wa da dagh dasan-inna ghaysa: "Nak da da" @nta dagh @hagan @qqalan d@ff@r-san har udan. ⁷ Ilas ghaysa inn-asan: "Ma imos was t@saggadam?" @nnan-as: "ghaysa wa n Nazaret as n@saggad." ⁸ Inn-asan: "W@rgegh @nnegh-awan nak da da. Dagh adi kud nak as t@saggadam, tayyim aytedan win ad j@w@nken. ⁹ @mm@k wen da as inda awal wa iga dat awen as inna: "W@r dagh-i ikhrek waliyyan dagh win di-t@kfe." ¹⁰ Ila Simghon Butros takoba, t@zzar ilbay-tat-du iwat s@r-@s akli n @limam wa Z@wwaran, ifras-du t@m@zzuk-net ta n @ghil. Akli wa es@m-net Malkhus. ¹¹ Inna ghaysa i Butros: "Sugh@l takoba-nak t@t@rut! Ak ad aqqama w@r @gegh alghazab wa di-otas Abba?"

@t@w@s@bdad @n ghaysa dat limaman

12 T@zzar obazan ghaysa @kradan-tu. @mosan taqqamt @n sojitan @n K@l-@rrum d @muzar-nasan, @d magazan n Ahan @n M@shina win d-@ss@glan muzaran @n K@l-@ly@hud. ¹³ Ewayan-tu @stizarat s ahan @n KHânan wa n @daggal @n Kayif wa imosan @limam wa Z@wwaran dagh awatay wen. ¹⁴ Amaran Kayif @nta a igan i muzaran @n K@l-@ly@hud tanat ta n as ofa ad ammat awedan iyyanda dagh adag @n tamattay. ¹⁵ Ilkam Simghon Butros i ghaysa @nta d @nalkim iyyan. @nalkim wa izday @limam wa Z@wwaran iman-net, t@zzar iggaz afarag wa ighlayan aghaywan n @limam wa Z@wwaran dagh amazay wa da daq-q'iggaz ghaysa. ¹⁶ Butros @nta iqqim-du dat ahan, ghur @mi n afarag. Irdagh-du @nalkim wen, igraw ghur t@ntut ta togazat t@s@h@rt ad tayyu Butros s iguz n aghaywan. ¹⁷ T@zzar t@nna t@mashaghalt ta togazat imi n ahan i Butros: "W@rge kay da iyyan dagh nalkiman n al@s wa a t@mosa?" Inn-as: "W@r t-@mosa." ¹⁸ Asamed iga. ghilayghalayan eklan @d magazan n Ahan @n M@shina temsay @n t@makaten @sukusan s@r-@s. Ik-en-in Butros @nta da ad isukus. ¹⁹ Iss@stan @limam wa Z@wwaran ghaysa dagh talgha @n nalkiman-net, d @s@ss@ghri wa itaggu. ²⁰ Inn-as ghaysa: "Awal wa @ge y @dd@net, w@r imos arat ighbaran. Faw da inan @n tagharay d Ahan @n M@shina dagh sassaghra dad @ddewan K@l-@ly@hud kul, amaran w@r t-illa awal @ge dagh @ssir. ²¹ Mafel as di-t@sastana? S@st@n aytedan win di-@slanen d arat wa f@l dasan-@mm@grada; @ntanay @ssanan dagh arat wa @nne." ²² As inna ghaysa arat wa, iqqas-as iyyan dagh magazan n Ahan @n M@shina ibdâdan den, inn-as : "Esaway wa da as t@tajawwaba y @limam wa Z@wwaran?" ²³ Ijj@wwab-as ghaysa inn-as: "Kud arak batu a @ge, @m@l-i edag wa daq-qat-@ge. Kud amaran @gegh batu tolaghat, m@ni @dd@lil wa f@l di-t@ggata?" ²⁴ Iss@rdaq-qu KHânan, da ikrad, issok-ay Kayif wa n @limam wa Z@wwaran. ²⁵ Assaghat ten, Simghon Butros illa den da isukus @s tamsay. Itawann-as: "W@rge kay da arat dagh nalkiman n al@s wa a t@mosa?" Inn-asan Butros: "Kala kala w@r t-@mosa." ²⁶ Inkar-du iyyan dagh eklan n @limam wa Z@wwaran, imosan @sh@qqagh n al@s was d-ifras Butros t@m@zzuk-net, inn-as: "W@rgegh @nayaq-qay t@ddewa d@r-@s dagh @goras?" ²⁷ Ilas Butros @nnukra n arat wen. Amazay wen da dagh ighra @k@ji aghora.

@t@w@s@bdad @n ghaysa dat Bilat@s

28 Immeway ghaysa ghur Kayif s aghaywan n @muzar n akal. Arat wa itaggu ghur @f@rir@y n anay. Win d@r-@s d-@ddewnen w@r @ggezan ehan wa n @muzar n akal, f@l ad @tt@fan tazdak-nasan y ad atshin amensay wa n Akkay. ²⁹ Awen da f@l d-igmad Bilat@s wa n @muzar n akal ehan-net, ikk-en-du inn-asan: "Ma imos lahan wa f@l t@bazam al@s wa?" ³⁰ @nnan-as: "@nnar w@r imos aw t@kma, w@r dak-k-idu-za-naw@y" ³¹ Inn-asan Bilat@s: "Aw@yat-tu t@khk@mam-as s @lqanun wa-nawan." @nnan-as K@l-@ly@hud: "Nakkanay w@r n@la turagat @n tanaghay n awedan." ³² Arat wa itaggu f@l ad andu awal wa iga ghaysa assagha wa ad imal @nnugh @n t@mattant ta z-agu. ³³ T@zzar iqqal Bilat@s ehan-net ighra ghaysa iss@stan-tu inn-as: "Kay a imosan @m@nokal @n K@l-@ly@hud?" ³⁴ Inn-as ghaysa: "Arat wa kay iman-nak as tu-t@nne, megh ak aytedan wiyyad a dak-k-@nnanen s@r-i?" ³⁵ Inn-as Bilat@s: "Un nak iyyan dagh K@l-@ly@hud a mosa? Tamattay-nak, @d limaman win zawwarnen a kay d-ewaynen s@r-i, ma imos arat wa t@khshada?" ³⁶ Ijj@wwab-as ghaysa inn-as: "Taghmar-in w@r tat-t@la @dd@net ta da. @nnar taghmar-in shin @dd@net ta da, @nk@rnat-du t@ghurad-in @kn@snat f@l ad w@r @ggezagh ifassan @n K@l-@ly@hud. Kala kala, igmad ashak as taghmar-in w@r tat-t@la @dd@net ta da." ³⁷ Inn-as Bilat@s: "Dagh adi kay @m@nokal?" Ijj@wwab-as ghaysa inn-as: "Kay iman-nak a innan: Nak @mosagh @m@nokal. Arat da wa f@l d-@h@wa amaran @nta f@l d-@ggazagh @dd@net: assa a d-@ge y ad aggayyegh @s tid@t. I imosan aw tid@t, kul issisam y awal-in." ³⁸ Inn-as Bilat@s: "Ma t@mos za tid@t?" D@ff@r adi iqqal Bilat@s K@l-@ly@hud inn-asan: "F@l aganna wa di-iqqalan za, nak w@r @h@nn@ya lahan waliyyan dagh al@s wa. ³⁹ Mishan ya, dagh arat wa imosan alghadat-nawan as faw da as d-ewad @mud wa n Akkay a dawan-d-@kk@sagh iyyan dagh m@sk@sa-nawan. T@ram a dawan-d-@kk@sagh @m@nokal @n K@l-@ly@hud?" ⁴⁰ Saghgharen-du ket-nasan @nnan-as: "Kala, kala, w@rgegh @nta! Barabbas as n@ra danaq-q-idu-t@kk@sa." Barabbas wa @jaj@b n anasgafa a imos.

19 T@zzar omar Bilat@s s ad t@w@gginat t@wit n @l@kkud i ghaysa; itawagg-as awen da. ² @zdän sojitan t@k@bbut t@gat @s sh@nnanan @ss@waran-tat eghaf-net, @zz@zlagan-tu @ntada @b@rnuz zaggaghan. ³ Tihazan-t-in gannan-as: "Oyyik! @m@nokal @n K@l-@ly@hud!" Taggan-as shiqqas. ⁴ Ilas Bilat@s irdagh-du, inna i K@l-@ly@hud: "@nawat! A dawan-t-id @ss@rd@gha, ad t@ss@nam as w@r fall-as @naya lahan waliyyan f@l iww@ddab." ⁵ T@zzar irdagh-du ghaysa t@war-tu t@k@bbut @n sh@nnanan, izlag @b@rnuz zaggaghan, inn-asan Bilat@s: "@nta da al@s." ⁶ As t-oggan limaman win zawwarnen @d magazan n Ahan @n M@shina, ad sagharen gannin: "Taytay-tu f@l shil@lt! Taytay-tu f@l shil@lt!" inn-asan Bilat@s: "Ab@zat-tu kawanay iman-nawan tattaytayam-tu, nak w@r h@nn@yagh @dd@lil waliyyan f@l t-@ww@ddaba." ⁷ @nnan-as muzaran @n K@l-@ly@hud: "Nakkanay n@la @sh@righa, amaran @sh@righa wa, ih-ay as al@s wa ihor @d t@mattant, f@las a inna @nta Barar @n M@shina a imos."

8 Batu ta t@shota tasa dagh Bilat@s, ⁹ t@zzar ilas iguz n adag wa n @sh@righa, inna i ghaysa: "M@nis du t@he?" Mishan w@r das-iga ghaysa aljawab waliyyan. ¹⁰ Amazay wen da das-inna Bilat@s: "Nak as tugaya s a di-t@shiw@la? W@r t@ssenagh as @le f@rregat n a kay-ayya, @legh @ntada f@rregat n a kay-attaytaya f@l shil@lt?" ¹¹ Inn-as ghaysa: "W@r fall-i t@le tarna waliyyat ar ta s@r-@k du-t@falat M@shina. A di da f@las awedan wa di-igan g@r fassan-nak, ogar-kay igi n abakkad." ¹² Amazay wen da dagh iggaz Bilat@s shin agamay n asaway was z'ayyu ghaysa. Mishan @nkaran-du K@l-@ly@hud ad sagharen gannin-as: "As toyyegh al@s w@di, adi za w@r t@mosagh @midi @n Kisra, @m@nokal @n K@l-@rrum, f@las awedan wa innan imos @m@nokal, w@di azangaw @n Kisra a imos!"

13 As isla Bilat@s i batuten shin, iss@rdagh-du ghaysa, t@zzar iqqim dagh t@khawit ta n adag n @sh@righa. Edag w@di es@m-net "Agharghar ilsân t@s@lit" itawann-as dagh t@lghibranit "Gabbata". ¹⁴ Imos awen @z@l wa oggan amud wa n Akkay, ammasnazal, amaran taggin mutag. Inna Bilat@s i K@l-@ly@hud: "@m@nokal-nawan @ddi!" ¹⁵ Eges @ggazan shin t@gharaten ad gannin: "Angh-ay! Angh-ay! Taytay-tu f@l shil@lt!" Inn-asan Bilat@s: "Dagh adi ad attaytayagh @m@nokal-nawan f@l shil@lt?" @nnan-as limaman win zawwarnen: "@m@nokal-nana w@r t-imos ar Kisra." ¹⁶ T@zzar iss@llam i sojitan ghaysa y ad t-attaytayan f@l shil@lt.

@t@w@t@ytay @n ghaysa f@l shil@lt

T@zzar @zz@rgazan sojitan ghaysa. ¹⁷ Igmad aghr@m eway @nta iman-net shil@lt ta f@l z-attaytay. Ikka t@kashwart tas itawannu "T@k@yya", itawann-as dagh t@lghibranit "Golgota". ¹⁸ Den da ad @tt@ytayan sojitan ghaysa f@l shil@lt. @tt@ytayan @shin meddan wiyyad @ntanay da f@l shil@len, iyyan iggaz aghil @n ghaysa, wa hadan iggaz zalgat-net. ¹⁹ Omar Bilat@s s ad ammatkal @s@llum it@w@kt@b fall-as "ghaysa wa n Nazaret, @m@nokal @n K@l-@ly@hud", it@w@s@lt@gh i shil@lt. Itawagg' awen da. ²⁰ K@l-@ly@hud aggotnen @ghran @s@llum wa. @nta edag wa dagh itt@ytay ghaysa f@l shil@lt ihoz aghr@m, amaran @s@llum wa iktab dagh awalan win t@lghibranit, @d t@latint @d t@g@rekt. ²¹ @nnan limaman win zawwarnen @n K@l-@ly@hud i Bilat@s: "Ad w@r t@kt@ba f@l shil@lt as: "Al@s wa @m@nokal @n K@l @ly@hud", kalar @kt@b fall-as as: "al@s da wa innan @nta a imosan @m@nokal @n K@l-@ly@hud." ²² Inn-asan Bilat@s: "Arat wa @ktaba, w@r-tu-za-s@mm@tt@ya."

23 Assagha wad @ttitayan sojitan ghaysa f@l shil@lt, @dkalan is@lsa-net, @gan-asan @kkozat t@zunen, @kkullu n iyyan dagh-san igraw iyyat. @dkalan @ntada t@katkat-net ta z@wwarat, t@gat dagh t@bdoq w@r iha a imosan azamay, tosagh-du ghur afalla har eres. ²⁴ @nnan gar-essan: Ad w@r n@z@zz@rr@t t@katkat ta, ofa ad nagu shishagheren f@l wa tat-z-ilen. Arat wa @nnan-tu f@l ad andu awal ihan Ik@tban n @nn@bitan. Awal wa inna:

"@zunan tabdoq-in, t@zzar @gan shishagheren f@l t@katkat-in"

Arat wen @nta iman-net a @gan sojitan. ²⁵ T@g@ttawt ta f@l itt@ytay ghaysa, @bdadnat dagma-net t@doden @mosnen anna-net, @d tamadrayt n anna-net, @d Maryama ta n t@ntut @n Klobas, @d Maryama ta n Magdala. ²⁶ Ogga ghaysa anna-net, inay @nalkim-net wa n @m@ri-net ibdad dagma n anna-net, inn-as: "Anna, barar-nam @ddi". ²⁷ T@zzar inna y @nalkim-net wen: "Anna-nak @ddi". Amazay wen da dagh d@r-@s iddew @nalkim wen s aghaywan-net issan dagh-as.

28 D@ff@r awen inna ghaysa: "Ih-i fad", f@las issan as arat kul ikmal, amaran batu ta w@r tat-iga ar f@l ad andu awal ihan Ik@tban n @nn@bitan. ²⁹ Edag wa insa dagh-as @gh@zu iha esmad k@zb@ran w@llen, t@mm@tkal shik@st t@ttal d @mi n alawag n @zz@n@f n @nnighnagh iyyan idwâlan as itawannu KHisob, itawasalmagh-du dagh esmad wa, t@zzar itawazzal-in s @mi-net. ³⁰ As izannalmaz ghaysa esmad wa k@zb@ran a, inna: "Arat kul ikmal." T@zzar iss@ras eghaf-net, @gmadan-tu man.

@t@w@gga @n ghaysa dagh t@saskawt

31 @z@l wen taggin mutag n @mud wa n Akkay. K@l @ly@hud w@r @ren ad aqqaminat alzanazaten n aytedan @warnat shil@len dagh @z@l wa n t@sanfat-nasan. @nta @z@l wen, w@r ogda @d win hadatnen t@zz@ww@rt. T@zzar @glan @ss@stanan Bilat@s @nnan-as: "Am@r s ad tawarzin daran-nasan, f@l a tan-iba tarmad, t@ssuk@sa-du alzanazaten!" ³² @kkan-du sojitan meddan win tawataytaynen dagma @n ghaysa. @rzan idaran @n wa azzaran, okayan @s wa n @shin @gan-as awen da. ³³ As d-ewadan ghaysa @nayan as as d-osan da aba-tu. T@zzar @qqiman da w@r @rzen idaran-net. ³⁴ Mishan idag iyyan dagh sojitan win tasaga @n ghaysa, isakharabbat-tat s allagh-net. Amazay wen da dagh-as d-iffay @zni d aman. ³⁵ Awedan wa igan isalan win, inay-tan @s shittawen-net, amaran t@g@yya-net tid@t a t@mos. Issan as tid@t ta t@zdarat as ishewal da, f@l ad t@zz@gz@nam kawanay da. ³⁶ @nta aratan win kul w@r @gen ar f@l ad andu awal ihan Ik@tban n @nn@bitan. Awal wa inna:

"W@r z-arraz waliyyan dagh ghasan-net."

37 Awal wa ihan Ik@tban n @nn@bitan ih-ay @ntada as:

"Ad @ss@d@gan isawadan-nasan sa s@r wa sakhkharabben."

38 D@ff@r adi osad-du Yus@f wa n @ghr@m n Arimatay, imosan iyyan dagh nalkiman @n ghaysa, eges dagh @ssir, f@las iksud K@l-@ly@hud. Ikka Bilat@s igmay dagh-as ad aw@y alzanazat @n ghaysa. Ikf-ay Bilat@s turagat n awen, t@zzar igla eway alzanazat. ³⁹ Osa-ddu Nikodemos @nta da, s @nta as kala din-osa ghaysa ahad iyyan dat awen. Eway-du amadal @n karadat t@m@rwen @n kilaw @n t@farshit dagh @nghalan alwarditan. ⁴⁰ Idkal-du Yus@f @d Nikodemos alzanazat @n ghaysa @gan-tat dagh shifit t@gat dagh t@s@wad, @ss@lalan-tat adutan @zodnen. Arat wa imos alghadat @n K@l-@ly@hud dagh anabal @n n@mm@ttan.

41 Edag wa dagh itawataytay ghaysa f@l t@g@ttawt ih-ay afarag. Amaran afarag wen t@h-ay t@saskawt taynayat as w@r kala tat-iggaz @n@mmett@n. ⁴² @z@l wen @nta dagh simutugan K@l-@ly@hud y @z@l-nasan wa n t@sanfawt, awen da f@l iga Yus@f @d Nikodemos ghaysa dagh t@saskawt ta, f@las @nta a t@hozat.

 

Tanakra @n ghaysa dagh t@mattant

20 As affaw aghôra n @z@l wa n alkhad, harwa da w@r ifarayray anay, as tosa Maryama ta n Magdala t@saskawt. As din-tosa t@nay as t@hunt t@tiwakkas-du dagh @mi @n t@saskawt. ² Tozal t@kka Simghon Butros d @nalkim wa isannahal ghaysa tara t@nn-asan: "@m@li itawakkas dagh t@saskawt amaran w@r n@ssen edag wa daq q-@gan."

3 Irdagh-du Butros d @nalkim wa hadan @kkan t@saskawt. ⁴ Ozalan f@l @shin-essan, t@zzar azzar-in @nalkim wa hadan f@las orna Butros dagh azzal, ⁵ ish@gga inay shis@wad shin shifit @nsanat den, mishan w@r iggez. ⁶ Simghon Butros wa das-d-ilkaman @nta da ewad-du. Iggaz t@saskawt, inay @ntada shis@wad shin @nsanat den. ⁷ Inay asalsaw wa iwaran eghaf @n ghaysa w@r irtay @d shifit, ittal insa s aganna, iha edag-net. ⁸ T@zzar iggaz-du @nalkim wa hadan, s @nta a d-ewadan @stizarat, inay arat wa izz@gzan-tu. ⁹ @nta harwa da w@r @gren Ik@tban n @nn@bitan win @nnanen ghaysa kundaba inkar-du dagh n@mm@ttan. ¹⁰ T@zzar @qqalan nalkiman win aghaywan-nasan.

@n@filal @n ghaysa i Maryama ta n Magdala

11 Maryama t@lla dat t@saskawt dagh ih@z t@hallu. T@sh@gga dagh amazay wa dagh t@hallu den, ¹² t@nay @shin angalosan @ssimlalnen, @qqiman dagh adag was kala a tu-t@ha alzanazat @n ghaysa. Iyyan illa ghur anamod n aghaf-net, wa hadan illa ghur daran-net. ¹³ T@zzar @nnan-as: "Ma kam isâlan, tantut?" T@nn-asan: "W@r di-is@lu ar imiw@y wa iga @m@li-nin, amaran w@r @ssena dad itawagga." ¹⁴ As t@nna arat wa, t@swad d@ff@r-@s, togga ghaysa ibdad. Mishan w@r t@ssen as @nta awen. ¹⁵ Inn-as ghaysa: "Ma kam-isâlan tantut? Ma imos was t@saggada?" T@nn-as Maryama: "Ya al@s wa, kud kay a t-ewayan, t@m@lagh-i dad illa f@l a t-id-aw@ya." Arat wa, as das-tu-t@nna a t@ghil @magyak n afarag wa t@ha t@saskawt a das-ishewalan. ¹⁶ Inn-as ghaysa: "Maryama!", t@zzar t@malallay-t-in t@nn-as dagh awal wa n t@lghibranit: "Rabbuni!" (almaghna n awen @shikh-in.) ¹⁷ Inn-as ghaysa: "A di-w@r-t@gd@la teklay, f@las harwa da w@r @gg@zzaya s Abba; kalar aglu @m@l i m@drayan-in as nak ad aggazzaya s Abba-nin, s @nta a imosan Abba-nawan kawanay da, aggazzaya s @m@li-nin s @nta a imosan @m@li-nawan kawanay da." ¹⁸ T@gla Maryama t@mal i nalkiman as t@nay @m@li, t@mal-asan aratan win f@l das-imm@grad.

Awa d-izdaran dagh @lk@ttab wa

@n@filal @n ghaysa i nalkiman-net

19 Tadwit n alkhad wen iman-net, @ddewan nalkiman, @ghfalan-du ehan f@l man-nasan, f@las @ksudan imuzaran @n K@l-@ly@hud. Osa-ddu ghaysa ibdad gar-essan inn-asan: "Ig-awan M@shina alkher!" ²⁰ D@ff@r as dasan-inna awen iss@kn-en ifassan-net, @d tasaga-net. @knan nalkiman t@d@wit f@l anay wa @gan y @m@li. ²¹ Ilas inn-asan: "Ig-awan M@shina alkher! @zimazalaq-qawan s asaway was di-d-izammazal Abba." ²² D@ff@r as dasan-iga batu ta, iss@wad-du fall-asan s @mi-net, inn-asan: "T@gr@wamet Infas wa Z@ddigan! ²³ Win as t@ssorafam ibakkadan-nasan za, dasan-t@w@sur@fan, amaran win as tan-w@r-t@ssorafam, w@r z' @gr@wan t@sureft-nasan."

@n@filal @n ghaysa i Tuma

24 Tuma was t@s@mmad@q-net Eknay, w@r iha inalkiman win maraw d @shin assagha wa tan-d-osa ghaysa. ²⁵ As @nnan nalkiman win i Tuma: "N@nay @m@li!", inn-asan: "W@r z-@zz@gz@nagh iket w@r @naya shimijar @n n@smar dagh fassan-net, @d@sagh idaggan-nasan s adad-in, @d@sa tasaga-net s @fus-in."

26 As @gan @ttam adan d@ff@r awen, @ddewan-du nalkiman @n ghaysa dagh ahan iyyan amaran ih-en Tuma dagh taklat ten. Iggaz-du fall-asan ghaysa da @harnat t@s@har n ahan, ibdad gar-essan, inn-asan: "Ig-awan M@shina alkher!" ²⁷ D@ff@r adi inn' i Tuma: "Agu adad-nak da, t@sw@da dagh fassan-in, t@d@sa tasaga-nin s @fus-nak, t@zz@gz@na taqqama da w@r t@qqelagh @kaf@r!" ²⁸ Inn-as Tuma: "Ya M@shina di n @m@li-nin!" ²⁹ Inn-as ghaysa: "Kay w@r t@zz@gzana har di-t@naya. Iket t@falawist @llan-tu d@r-@s win s@r-i @zz@gzannen da w@r di-@nayan!"

@lm@khsud n @lk@ttab wa

30 Immozal ghaysa alghalamaten shiyyad aggotnen dat nalkiman-net, mishan ya w@r s@r-@snat imm@grad @lk@ttab wa. ³¹ Eges arat wa t-ihan, itiwaktab f@l ad t@zz@gz@nam as ghaysa @nta a imosan @lm@sikh, imos Barar @n M@shina, t@ss@nam @ntada âs, as s@r-@s t@zz@gzanam ad t@gr@wam t@m@ddurt s es@m-net.

Awa d-izdaran dagh @lk@ttab wa

@n@filal @n ghaysa i nalkiman-net ghur tama n agaraw

21 D@ff@r awen ilas ghaysa @n@filal i nalkiman f@l t@gadamayt n agaraw wa n Tiber@yad. @mm@k da was inafalal: ² Simghon Butros, @d Tuma was t@s@mmad@q-net Eknay, @d Natanayel wa n Kana dagh amadal @n Galilaya, @d bararan @n Zebeday, d @shin nalkiman wiyyad, ket-nasan @ddewan. ³ Inn-asan Simghon Butros: "Nak ad akkagh edag n abbaz @n kifitan." @nnan-as: "Nakkanay da n@ddew d@r-@k." @glan, @ggazan taghlalt. Ahad wen w@r dagh-as obezan wala.

4 As affaw iwar-in ghaysa t@gadamayt n agaraw, mishan w@r @ssenan nalkiman-net as @nt' awen. ⁵ Inn-asan ghaysa: "Imaran-in, ak abbaz a w@r t@gem wala dagh kifitan?" @nnan-as: "Kala". ⁶ Inn-asan: "@g@rat @m@zzezd@r-nawan wa n abbaz @n kifitan f@l aganna wa n @ghil @n t@ghlalt, a tan-t@gr@wam." @garan @m@zzezd@r-nasan dagh agaraw, t@zzar indar-asan a t-id-@dk@lan, f@l awa @gan kifitan win t-@hanen dagh ig@t. ⁷ T@zzar inkar @nalkim wa isannahal ghaysa tara inn' i Butros: "@m@li awa!"

Da dagh ad isla Simghon Butros as @m@li awen, @nta ad iqqan asalsaw-net wa n afalla, f@las izzaf, t@zzar itaraggat dagh agaraw. ⁸ Amaæal @n sanatat t@mad n @ghil ghas a @llanen gar-essan @d t@gadamayt n agaraw. @qqiman-du nalkiman win hadatnen dagh t@ghlalt @rkaban-du d@ff@r-san @m@zzezd@r-nasan, idnay kifitan." ⁹ @zz@bben-du ghas oggan temsay @n t@makaten f@l naõõin kifitan, t@nsa t@g@lla den @ntada. ¹⁰ Inn-asan ghaysa: "Aw@yat-du arat dagh kifitan win du-tobazam @m@r@dda." ¹¹ Igmad-du Simghon Butros aman illil-asan s arakab n @m@zzezd@r wa @han kifitan. Temeday @d s@mmosat t@m@rwen @n kifi @d karad @s kul win zawwarnen a t-@hanen mishan w@r izz@rrat. ¹² Inn-asan ghaysa: "Ayewat tatshim." Inalkiman w@r tan-iha i ihalan ad iss@st@n ghaysa ann-as: "Ma t@mosa?" f@las @ssanan as @m@li awen. ¹³ Ihoz-tan-in ghaysa, obaz-du tag@lla ikf-asan-tat, ikf-en @ntada kifitan. ¹⁴ Taklat ta @nta a t@mosat @n@filal wa n karad a d-iga ghaysa i nalkiman-net wa n a d-inkar dagh n@mm@ttan.

ghaysa @d Butros

15 D@ff@r as @tshan inna ghaysa i Simghon Butros: "Simghon wa n ag Yakhya, ak tid@t da a imos as tara ta di-t@ge togar ta di-@gan nalkiman win hadatnen?" Inn-as Simghon: "Ayew @m@li, t@ssana dagh tara ta dak-@ge." Inn-as ghaysa: "Ag@z ijamaran-in." ¹⁶ Ig-as y @s@stan wa igi wa n @shin inn-as: "Simghon wa n ag Yakhya, ak t@regh-i?" Inn-as Butros: "Ayew @m@li, t@ssana dagh tara ta dak-@ge." Inn-as ghaysa: "@qq@l amadan n ayf@d-in." ¹⁷ Ig-as y @s@stan wa igi wa n karad tolas inn-as: "Simghon wa n ag Yakhya, ak t@regh-i?" @khshadan man @n Simghon Butros f@las karad igitan das-iga ghaysa y @s@stan wa. Inn-as: "@m@li, kay a issanan dagh arat kul, t@ssanagh as @req-qay." Inn-as ghaysa: "@ss@n dagh ayf@d-in. ¹⁸ @gg@yyegh @silakanagh-ak as harwa t@m@dr@yagh, iman-nak as t@lassa tabdoq-nak, t@takkagh edag was tare, mishan @z@l wa dagh za t@qq@lagh aghmar, ad t@zz@lagh ifassan-nak, assals-ik awedan tabdoq-nak, aw@y-kay s adag as w@r taregh iki-net." ¹⁹ Batu ta issoka s@r-@s ghaysa @nnugh @n t@mattant ta z-agu Butros s @nta as z' assaknu adkul wa ghur-@s iga M@shina. D@ff@r as iga batu ta inna tolas: "@lk@m-i" ²⁰ Iswad-in Butros d@ff@r-@s ogga @nalkim wa isannahal ghaysa tara ilkam-asan-du. @nalkim wa @nta a isaghghamaran dagh ih@z n @dmaran @n ghaysa ahad wad tattin imensewan n @mud wa n Akkay. Amaran @nta harwa da as kala ad iss@stanan ghaysa inn-as: "@m@li, ma imos wa kay z' akkaddalan." ²¹ As t-ogga Butros iss@stan ghaysa inn-as: "@nta za @m@li, m@ni taghara-net?" ²² Inn-as ghaysa: "Kud imos as aregh ad idd@r har d-@qq@la da t@di w@r kay-t@qqel. Kay @lk@m-i ghas!" ²³ Wazawazan salan dagh m@zz@gzan @s ghaysa as @nalkim wa w@r tu-z-iba. @nta ghaysa w@rgegh a inna w@r tu-z-iba, t@nna ghas a iga: "Kud imos as aregh ad idd@r har d-@qq@la da t@di w@r-kay t@qqel."

Zagzal dagh batu ta t@mosat @lm@khsud n @lk@ttab wa

24 @nalkim wa @nta iman-net as igg@yyat f@l igitan win, iktab-tan. N@ssan as t@g@yya-net tid@t a t@mos. ²⁵ ghaysa iga aratan wiyyad aggotnen. As igmay awedan d a s@r-san ammagrad s iyyan-iyyan, ordegh as @dd@net kul da w@r za taw@y @lk@ttaban win z-ikt@b dagh talgha ta.